ދިވެހި ރުފިޔާއިން ފައިސާ ބަހައްޓާ ވިޔަފާރިވެރިންގެ ނެޓު ވާރތު، ސަރުކާރުގެ އިހުމާލުން އިރޯޑުވެއްޖެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ގައުމީ ބޭންކު، އެމްއެމްއޭގެ ބޭނުމަށް ފައިސާ ޗާޕުކުރަން އުޅޭކަމުގެ އަޑުތައް ގަދަވެފައިވާތީ އެކަމާ ގުޅިގެން ޕީއެންއެފް ޖަލްސާއެއްގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ އެމްއެމްއޭއިން ރިއަލް އެސްޓޭޓު ވިޔަފާރިއަށް ވަތްއިރަކާ މެދު ސުވާލު އުފެދޭ ކަމަށެވެ.

ރައީސް ޔާމީން ވިދާޅުވީ އެމްއެމްއޭގައި ހުންނާނީ ރައްޔިތުންގެ ފައިސާކަމަށާ އެމްއެމްއޭއިން ޗާޕުކުރާ ފައިސާ ވާނީ ދައުލަތުގެ ފައިސާއަށް ކަމަށެވެ. އެމްއެމްއޭ ވަނީ ދައުލަތާ ރައްޔިތުންގެ ފައިސާ ބަހައްޓާ ޑިޕޮސިޓަރީ ތަނަކަށް ކަމަށެވެ. އެމްއެމްއާގެ ފައިސާއަކަށް ވާނީ އެމްއެމްއޭއިން އިންވެސްޓުކޮށްގެން ވާ ފައިސާ ކަމަށް ވިދާޅުވެ ރައީސް ޔާމީން ވިދާޅުވީ އެމްއެމްއޭއިން އިންވެސްޓުމަންޓު ހިންގަިގެން 15 ބިލިއަން ރުފިޔާ ހުރި ނަމަ، ރުފިޔާއިން އެބައެއްގެ ފައިސާގެ ނެޓު ބަލަހައްޓާ މީހުންގެ ފައިސާގެ 25 އިން ސައްތަ އިރޯޑުވެގެން ހިނގައްޖެ ކަމަށެވެ.

އެހެންކަމުން އެމްއެމްއޭއިން އިންވެސްޓުކޮށްގެން ލިބުނު ފައިސާ ނަމަ ބަހައްޓާނީ ދިވެހި ފައިސާއިންތޯ ނުވަތަ ޑޮލަރުންތޯ ރައީސް ޔާމީން ސުވާލު އުފައްދަވާފައިވެއެވެ.

ރައީސް ޔާމީން ވިދާޅުވީ، 15 ބިލިއަން ރުފިޔާ ދީފައި އެމްއެމްއޭއިން ބިން ގަތަސް ދެން އަންނަ ސަރުކާރަކުން އަނބުރާ އެ ބިމެއް ހޯދުމުގެ ފުރުސަތު އޮންނާނެ ކަމަށާ އެމްއެމްއޭއިން ހެދި ޓްރާންސެކްޝަން ވަނީ ރައީސް ނަޝީދު ޖިއެމްއާރުއާ އެކު ހެދި އެއްބަސްވުން ފަދަ ދެ އުޅިއެއް ނުވާކަމެއް ކަމަށެވެ.