އިންޑިއާއިން ދުވަސްތަކެއްގެ ތެރޭގައި ހަމަލާދޭން ރާވާފައިވާ ކަމުގެ މައުލޫމާތު ލިބިފައިވާ ކަމަށާއި ދެ ފަރާތުގެ ސިފައިން އެމީހުންގެ ބޯޑަރުތަކުގައި ހަމަލާތައް ބަދަލު ކުރިކަން ޕާކިސްތާނުން ހާމަކޮށްފިއެވެ.

އިސްލާމްއާބާދުން ދޮގުކުރާ ޕަހަލްގަމްގައި ހިނގި ހަމަލާއަށް ތާއީދުކުރާ ކަމަށް ތުހުމަތުކޮށް ޕާކިސްތާނަށް އަދަބު ދިނުމަށް އިންޑިއާއިން އެޅި ފިޔަވަޅުތައް އެޅިއެެވެ.

ޕާކިސްތާނުން ބުދަ ދުވަހު ބުނީ ޖާސޫސީ މައުލޫމާތުން ދައްކާ ގޮތުގައި އިންޑިއާ އިން ރާވާފައި ވަނީ "ޕަހަލްގަމް ހާދިސާގައި ބައިވެރިވި ކަމަށް ބުނާ އަސާސެއް ނެތް އަދި ރާވާފައިވާ ތުހުމަތުތަކެއްގެ ބަހަނާގައި ކުރިއަށް އޮތް 24-36 ގަޑިއިރުގެ ތެރޭގައި" އެގައުމާ ދެކޮޅަށް އަސްކަރީ ފިޔަވަޅު އަޅަން ކަމަށެވެ.

އިންޑިއާގެ އޮފިޝަލުންގެ ފަރާތުން ވަގުތުން ބަހެއް ނުލިބޭކަމަށްވެސް މަސްދަރުތަކުންވަނީ ރިޕޯޓުކޮށްފައެވެ.

ނަމަވެސް އިންޑިއާ ސަރުކާރުގެ އޮފިޝަލުން ވިދާޅުވީ ބޮޑުވަޒީރު ނަރެންދުރަ މޯދީ ވަނީ ޕަހަލްގަމް ގަތުލުއާންމަށް އިންޑިއާއިން ރައްދުދޭނެ ގޮތާއި އަމާޒުތަކާއި ވަގުތު ނިންމުމަށް ހަތިޔާރު އެޅި ސިފައިންނަށް ފުރިހަމަ އޮޕަރޭޝަނަލް މިނިވަންކަން ދެއްވާފައިވާ ކަމަށެވެ.

ޕާކިސްތާނުގެ ދައުލަތުގެ މީޑިއާއިން ބުނެފައިވަނީ އިންޑިއާ ސިފައިން ލައިން އޮފް ކޮންޓްރޯލްގައި ހަނގުރާމަ ހުއްޓާލުމުގެ އެއްބަސްވުމާ ހިލާފުވެފައިވަނީ ބަރު ހަތިޔާރުން ބަޑިޖަހައިގެން ކަމަށެވެ. ޕާކިސްތާން މީޑިއާ އިން ބުނި ގޮތުގައި ޕާކިސްތާނުގެ ބާރުގެ ދަށުގައި އޮންނަ ކަޝްމީރުގެ މަންޑަލް ސެކްޓަރުގައި ރޭގަނޑެއްގެ ތެރޭގައި ހަމަލާތަކެއް އައުމަށްފަހު ޕާކިސްތާނު ސިފައިންވެސް ވަނީ ރައްދުގައި ހަމަލާތައް ބަދަލުކޮށްފައެވެ.

މީގެ އިތުރުން އިންޑިއާ ސިފައިން ބުނީ އިންޑިއާގެ ކޮންޓްރޯލް އޮންނަ ކަޝްމީރުގެ ނައުޝެރާ، ސުންޑަބަނީ އަދި އަޚްނޫރު ސެކްޓަރުގައި ޕާކިސްތާނުން ކުދި ހަތިޔާރުގެ އަންޕްރޮވޯކްޑް ހަމަލާތަކަށް ރައްދުދިން ކަމަށެވެ.