ފާއިތުވި 24 ގަޑިއިރުގެ ތެރޭގައި ސަހްޔޫނީން ދިން ވައިގެ ހަމަލާތަކުގައި ފަލަސްތީނުގެ 19 މީހަކު ޝަހީދުވެފައިވާ ކަމަށް މަސްދަރުތަކުން ރިޕޯޓު ކުރަން ފަށައިފި އެވެ.

ފަލަސްތީނުގައި ސަހްޔޫނީން ދޭ ހަމަލާތަކުގެ ސަބަބުން ފާއިތުވި 24 ގަޑިއިރުގެ ތެރޭގައި ޣައްޒާގައި ފަލަސްތީނުގެ 19 މީހަކު ޝަހީދުވެ، 81 މީހަކު ޒަހަމްވެފައިވާ ކަމަށް މަސްދަރުތަކުން ރިޕޯޓު ކޮށްފި އެވެ.

2023 ވަނަ އަހަރުގެ އޮކްޓޯބަރު މަހުން ފެށިގެން ސަހްޔޫނީން ދިން ހަމަލާގައި ފަލަސްތީނުން ޝަހީދުވި މީހުންގެ އަދަދު 52،829 އަށް އަރާފައިވާއިރު، އިތުރު 119،554 މީހަކަށް ޒަޚަމްވެފައިވެއެވެ. އޭގެ ތެރެއިން ގިނައީ އަންހެނުންނާއި ކުޑަކުދިންނެވެ.

ހަމަ އެ މަސްދަރުތަކުން ބުނާ ގޮތުގައި ދެ މަސް ދުވަހުގެ ހަނގުރާމަ ހުއްޓާލުމަށް ފަހު މާޗް 18 ވަނަ ދުވަހު ސަހްޔޫނީން ދިން ހަމަލާތަކުގައި ޝަހީދުވި މީހުންގެ އަދަދު ވެސް ވަނީ 2،720 އަށް އަރާފަ އެވެ.

ސަހްޔޫނީންގެ އޮކިއުޕޭޝަން ފޯސްތަކުން އެމްބިއުލާންސާއި ސިވިލް ޑިފެންސް ކްރޫތަކުގެ މަސައްކަތަށް ހުރަސް އަޅަމުންދާއިރު އެމާޖެންސީ ހިދުމަތްތަކަށް އަދިވެސް ގިނަ އަދަދެއްގެ ތާށިވެފައިވާ މީހުންނާއި ޝަހީދުވެފައިވާ މީހުންގެ ހަށިގަނޑުތަކާއި ހަމައަށް ނުދެވޭކަންވެސް ވަނީ ރިޕޯޓުކޮށްފަ އެވެ.