ބްރޮޑްކޮމްގެ އެސްޖީއާ ފިރިކަލުން ވެސް ތިއްބެވީ ސަސްޕެންޝަންގައި ކަމަށް މައުލޫމާތު ލިބިއްޖެއެވެ.

ބްރޮޑްކާސްޓިން ކޮމިޝަންގެ އެސްޖީ މަރިޔަމް ޒީނިޔާ ސަސްޕެންޑްކޮށްފައިވަނީ މަހުގެ 20 ވީ އަންގާރަ ދުވަހު ހެނދުނު ކޮމިޝަންގެ މެންބަރުން ބޭއްވި ބައްދަލުވުމުގައި އޭނާގެ ސުލޫކީ މައްސަލަތަކެއް ހުރި ކަމަށް ނިންމުމަށް ފަހުއެވެ. ޒީނިޔާ ސަސްޕެންޑްކުރީ 3 ދުވަހުގެ މުއްދަތަކަށެވެ.

ޒީނިޔާ ސަސްޕެންޑްކޮށްފައިވާއިރު އޭނާގެ ފިރިކަލުން، އެގްރިކަލްޗަރ މިނިސްޓްރީގެ ޑެޕިއުޓީ މިނިސްޓަރު، އަލްއުސްތާޛު ހައްސާން ހަމީދު ވެސް ހުރި ސަސްޕެންޝަންގައި ކަމަށް މައުލޫމާތު ލިބިފައިވެއެވެ. އެގޮތުން ހައްސާން ސަސްޕެންޑްކޮށްފައިވަނީ ކޮރަޕްޝަންގެ ތުހުމަތުތަކެއް ކުރެވޭތީއެވެ.

ޒީނިޔާ ސަސްޕެންޑްކުރީ ތަކުރާރުކޮށް ކޮމިޝަންގެ ނިންމުންތަކާ ޚިލާފަށް ތަކުރާރުކޮށް މަސައްކަތްކުރާތީ ކަމަށް މައުލޫމާތު ލިބެއެވެ.