އިންޑިޔާ ސަރުކާރުން ދަރަނިތަކަށް ލުޔެއްދިނީ ދިވެހިން ކަރަށް ދަންމަޅި މަހާފައި ކަމުގައި ރައީސް އަބްދުﷲ ޔާމީން އަބްދުލް ޤައްޔޫމް ވިދާޅުވެއްޖެއެވެ.

ޕީއެންއެފްގެ ފްރޮންޓް އޮފީހުގައި ކުރިއަށް ގެންދިޔަ ޖަލްސާގައި ވާހަކަފުޅު ދައްކަވަމުން އެމަނިކުފާނު ވިދާޅުވެފައިވަނީ، އިންޑިޔާ ސަރުކާރަށް ދިވެހި ދައުލަތުން ބޮޑުތަނުން ދަރަނިވެރިވެފައި ވާއިރު، އެދަރަނިތައް ދައްކަން ފެނިލައްވާ ކަަމަށެވެ.

ޖީއެމްއާރު އަތުން އެއާރޕޯޓް އަތުލަން އުޅުއްވިއިރު ދައްކަންޖެހުން އެފައިސާއަކީ ވެސް ހަމަ އެއްފަހަރާ ދައްކާފައިވާ ފައިސާ އެއްކަމުގައި އެމަނިކުފާނު ވިދާޅުވެފައިވެއެވެ. ވީއިރު މިހާރު އިންޑިޔާގެ ދަރަނިތަކަށް އިތުރު މުހުލަތެއް ދީފައިވާކަމަށް ބުނެ ހަދާފައިވާ އެގްރިމެންޓްތައް ވެސް ސަރުކާރުން ހާމަނުކުރާ ކަަމަށެވެ.

އެ ދަރަނިތައް ނުދައްކަވާނަމަ އެންމެ ފަހުން އެ ދަރަނި ވެގެން ދަނީ އިންޑިޔާއިން ދިވެހިން ކަރުގައި އަޅުވާނެ ދަންމަޅިއަކަށް ކަމުގައި ރައީސް ޔާމީން ވިދާޅުވިއެވެ.

ރާއްޖޭގެ ކަންތައްތައް ދަނީ ރަނގަޅަށް ކަމަށާއި އަދި އެހެންމެ އިގްތިސޯދު ރަނގަޅުކަމަށް ކުރީގެ ރައީސް ވަހީދު ވިދާޅުވާއިރު، މިއަދު ދިވެހިންނަށް އިގްތިސާދީ ގޮތުން ލިބިފައި މިވާ ފަސޭހަތަކަކީ އިންޑިޔާއިން ފޯރުކޮށްދޭ ފަސޭހަތަކެކެވެ.

ވީއިރު އިންޑިޔާއިން ދިވެހިންނަށް ފޯރުކޮށް ދޭ ފަސޭހަތަކަކީ ރައްޔިތުން އޭގައި ޤުރުބާނީތަކެއް ވާން ޖެހިދާނެ ކަމެއް ކަމުގައި އެމަނިކުފާނު ވިދާޅުވިއެވެ.