ރައީސް މުހައްމަދު މުއިއްޒުގެ ސަރުކާރުން ގެންދަނީ މުޅި ސަރުކާރުގެ އަގު އަމިއްލައަށް ވައްޓަމުން ކަމަށް ޕީޕަލްސް ނެޝަނަލް ފްރޮންޓު(ޕީއެންއެފް)ގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވި ބުރާސްފަތި ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަ ދައްކަވަމުންނެވެ. އެގޮތުން ރައީސް މުއިއްޒުގެ ސަރުކާރުގެ އިގްތިސޯދީ ވަޒީރު، މުހައްމަދު ސައީދު ސަރުކާރުގެ އިގްތިސޯދީ ސިޔާސަތުތައް މޮޅުވެފައި އާރުލާނެ ކަމަށް ވިދާޅުވަމުން ގެންދެވި ނަމަވެސް އެކަންކަން ސަރުކާރުގެ އަމަލުންނާ ސަރުކާރުގެ ސިޔާސަތުތަކުގެ ތެރެއިން ނުފެންނަކަން މަލީހު ފާހަގަކުރެއްވިއެވެ.

މަލީހު ވިދާޅުވި ގޮތުގައި ސަރުކާރުން ބައިސާ ކަނޑފައި އެއްވެސް ކަމެއް ނުވުމުން އޭގެން ދޭހަވަނީ ސަރުކާރުގެ ސިޔާސަތުތައް އަތަށް ގޮވައިފިކަން ކަމަށެވެ.

މަލީހު ވަނީ ސަރުކާރުން އިގްތިސޯދު ކުރިއެރުވުމުގެ ނަމުގައި ރާއްޖެއިން ބޭރަށް ބޮޑެތި ވަފްދުތައް ފޮނުވައިގެން ކުރާ އެއްވެސް ކަމަކުން ވެސް ފައިދާނުވާއިރު އެކަމުގައި ހޭދަވާ ބޭކާރު ފައިސާގެ ބޭނުން ހެޔޮ ގޮތުގައި ކުރުމަށްވެސް އިލްތިމާސްކުރައްވާފައެވެ.