މި ސަރުކާރުން ދަނީ ރައްޔިތުންގެ ފައިސާ އިސްރާފްކުރަމުން ކަމަށް. ރައީސް އަބްދުﷲ ޔާމީންގެ ތާއީދާއެކު ވިލިގިލީ ދާއިރާއަށް ކުރިއަށް އޮތް މަޖިލިސް އިންތިހާބުގައި ވާދަކުރައްވާ، އަލްއުސްތާޛު އަލީ ޝާހު ވިދާޅުވެއްޖެއެވެ.

ރާއްޖޭގެ ސިޔާސީ މަސްރަހަށް އަލިއަޅުވާލާ ޗެނަލް13 އިން ގެނެސްދޭ ޕީއެންއެފް އަދާހަމަ ޕްރޮގްރާމުގައި، ގައުމުގެ އިގްތިސޯދީ ހާލަތާ މެދު ކަންބޮޑުވުން ފާޅުކުރައްވަމުން ޝަހު ވިދާޅުވީ، އިކޮނޮމީގެ ރޭޓީންއަށް ބަލާއިރު ރާއްޖޭގެ ހާލަތު އޮތީ ކަންބޮޑުވާ ހިސާބެއްގައި ކަމަށާ ގައުމުގެ އިގްތިސޯދު އޮތީ ނޭވާ ހޮޅިއަށް އެޅިފައި ކަމަށެވެ.

ނަމަވެސް އެއިން ކަމަކަށް ނުބަލާ ދައުލަތުގެ ވެރިން ގެންދަވާ ނަތީޖާ އެއް ނެރެވިފައި ނުވާ އެތައް ދަތުޔރުތަކެއް ހަރަދަކަށް ބެލުމެއްނެތި ކޮށްފައި ކަމަށާ އޭގެ ސަބަބުންވެސް އެތައް ފައިސާއެއް ބޭކާރުވެގެން ގޮސްފައިވާ ކަމަށް ވެސް ޝާހު ވިދާޅުވިއެވެ.

ޝާހު ވިދާޅުވީ، އިކޮނޮމީގެ ރޭޓީންއަށް ބަލާއިރު ބީ މައިނަސްގައި ރާއްޖެ އޮންނަތާ ދުވަސްތައް ވެފައިވާކަން އެންމެންނަށްވެސް އެނގޭ އިރު އެކަންކަން ސިއްރުކުރަން އިގްތިސޯދީ ވަޒީރު ވިދާޅުވަމުން ދިއުމަކީ ޒިންމާދާރުކަން ކުޑަ ކަމެއް ކަމަށެވެ.

އެގޮތުން ނިމި ދިޔަ ސަރުކާރުން ވާރުތަވީ ދަރަންޏާ މަތިކޮށް ރައްޔިތުންނަށް އަނގަޔާ އަތާ ދިމާނުވާނެ ހާލަތަކަށް ގައުމު ވައްޓާލުމަކީ ބަަލއިގަނެވޭނެ ކަމެއް ނޫން ކަމަށް ވެސް ޝާހު ވިދާޅުވިއެވެ. ޝާހު އިތުރަށް ވިދާޅުވީ،ރައީސް މީހާ ދައްކަމުން ދަނީ ތިން ކުރާ ގަނޑެއްގެ ވާހަކަ ނަމަވެސް އެކަމުގެ ހުރި ކަންބޮޑުވުން ރައީސް މީހާގެ އަމަލުން ނުފެންނަ ކަމަށެވެ.