ދެ ލޯންޗެއް ޖެހި ނުރައްކާތެރި އެކްސިޑެންޓެއްގައި އަށްމީހަކަށް އަނިޔާވެއްޖެއެވެ.
ފުލުހުން މިރޭ ވިދާޅުވީ އެ ސަރަހައްދު ކަނޑުމަތީގައި ދެ ލޯންޗް ޖެހި އެކްސިޑެންޓްވެފައިވާ ކަމުގެ މައުލޫމާތު މިރޭ 19:48 ހާއިރު ފުލުހުންނަށް މައުލޫމާތު ލިބިފައިވާ ކަމަަށެވެ.
މިޑީއާތަކަށް ފޮނުވި މެސެޖެއްގައި ފުލުހުން ބުނީ، ވިލިމާލެ ވޯޓާ ސްޕޯޓްސްއާ ދިމާލު ކަނޑުމަތީގައި ދެ ލޯންޗެއް ޖެހި އެކްސްިޑެންޓުގައި ޖުމްލަ 13 މީހަކަށް އެކި ވަރުގެ އަނިޔާވެފައިވާއިރު އޭގެ ތެރެއިން ދެ މީހަކު ވަނީ ވިލިމާލެ ހޮސްޕިޓަލަށް ގެންގޮސްފައިކަމަށެވެ.
މި އެކްސިޑެންޓްގައި އަނިޔާވެގެން ގެންދިޔަ މީހުންގެ ތެރޭގައި އެފްކޮންސް ކުންފުނީގެ 10 މުވައްޒަފަކާއި އަނަންތްރާ ލޯންޗްގެ ތިން މީހަކު ހިމެނޭ ކަމަށެވެ.
އަދި އަނިޔާވި މީހުންގެ ތެރެއިން ހަ މީހަކު އިތުރު ފަރުވާއަށް އައިޖީއެމްއެޗްއަށް ގެންގޮސްފައިވާ ކަމަށްވެސް ފުލުހުން ވިދާޅުވިއެެވެ.
ފުލުހުން ވިދާޅުވިގޮތުގައި މި އެކްސިޑެންޓް ހިނގި ސަރަހައްދުގައި މެރިން ފުލުހުން ދަނީ ހަރަކާތްތެރިވަމުންނެވެ.
