މަރުވީ ސިނަމާލެ ބުރިޖުގައި މަސައްކަތްކުރާ ބިދޭސީއެއް ނޫން ކަމަށާ މަރުވެފައިވަނި ތިލަމާލެ ބުރިޖުގައި މަސައްކަތްކުރަމުން ދިޔަ ބިދޭސީއެއް ކަން ހާމަވެއްޖެއެވެ.

މިކަމާ ގުޅިގެން މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ އިން ބުނެފައިވަނީ މަރުވެފައިވަނީ ސިނަމާލެ ބުރިޖުގައި މަސައްކަތްކުރާ ބިދޭސީއެއް ކަމަށް ފުލުހުންނާ ހަވާލާދީ ނޫސްތަކުގައި ރިޕޯޓުކޮށްފައިވަނީ ގޯސްކޮށް ކަމަށާ ރަގަޅު ގޮތަކީ މަރުވެފައިވަނި ތިލަމާލެ ބުރިޖުގައި މަސައްކަތް ކުރަމުން ދިޔަ ބިދާސީއެއް ކަމަށެވެ.

އެ ބްރިޖްގެ މަސައްކަތުގައި އުޅެނިކޮށް އަނބުރައިގަނެގެން ވެއްޓިގެން ޓްރީޓޮޕް ހޮސްޕިޓަލަށް ގެންދިޔައިރުވެސް އިންޑިއާގެ އެފްކޮންސްއަށް ނިސްބަތްވާ އެ މީހާ ވަނީ މަރުވެފައެވެ. އެއީ އިންޑިއާގެ ރައްޔިތެކެވެ.

ކޮންސްޓްރަކްޝަން މިނިސްޓްރީއިން ހާމަކޮށްފައިވާ ގޮތުގައި އެމީހާގެ މަރު ކޮންޓްރެކްޓަރާ އަދި މިނިސްޓްރީގެ ސަމާލުކަމަށްވެސް އައިސްފައިވާ ކަމަށާ މައްސަލަ ކަމާ ގުޅުން އިދާރާތަކާ ގުޅިގެން ތަހުގީގުކުރަމުން އަންނަ ކަމަށެވެ.