އިސްލާމީ މަރުކަޒަށް ނަމާދަށް އެރުން، މޯދީއަށް ޓަކައި މަނާކޮށްފި

އިސްލާމީ މަރުކަޒަށް ނަމާދަށް އެރުން، މޯދީއަށް ޓަކައި މަނާކޮށްފިއެވެ.

އިންޑިއާގެ ބޮޑުވަޒީރު ނަރެންދުރަ މޯދީ ވެރި ރަށް މާލޭގައި އުޅުއްވާތީ ރަށުގެ ބޮޑު ސަރަހައްދެއް ފުލުހުން ބަންދުކޮށް، އިސްލާމީ މަރުކަޒަށް ނަމާދަށް އެރުން ވެސް ވަނީ މަނާކޮށްފައެވެ.

މިކަމާ ގުޅިގެން މިއަދުގެ އަސްރު ނަމާދަށް ވެސް އިސްލާމީ މަރުކަޒަށް މީހުންނަށް ވަނީ ނަމާދަށް ނުދެވިފައެވެ. މިސްކިތުގެ އިމާމު ވަނީ މިކަމާ ގުޅިގެން ކަންބޮޑުވުން ފާޅުކޮށްފައެވެ.

"އަސުރަށް ބަންގި ގޮވައިފިން، މިސްކިތުގައި އެންމެ މީހަކު. ދެރަ ދޯ؟،" އިމާމު ފޭސްބުކްގައި ކުރި ޕޯސްޓެއްގައި ވިދާޅުވެފައިވެއެވެ.

ޖުމްހޫރީ މައިދާނާއި އިސްލާމީ މަރުކަޒުން ފެށިގެން، ބޮޑުތަކުރުފާނު މަގު ބީއެމްއެލް އާއި މުލީއާގެއާ ހަމައަށް އެއްގޮތަކަށް ވެސް ވަނުން މަނަ އެވެ. ގަޑިން 6:00 ޖަހަންދެން އެ ސަރަހައްދު މުޅިން ބަންދު ވާނެ ކަމަށް ފުލުހުން ބުނެ އެވެ.

މިސްކިތަަށް ވަނުމަށް ހުރަސް އަޅާފައިވާތީ ދީނީ އިލްމުވެރިޔާ އައޝައިޚު އާދަމް ނިޝާން ވެސް ވަނީ ކަންބޮޑުވުން ފާޅުކުރައްވާފައެވެ.