ޕަބްލިކް ރިއެކްޝަންގަ ރައީސް ޑރ މުހައްމަދު މުއިއްޒަށް މާ ބޮޑު ތާއީދެއް މާބޮޑު ތައުރީފެއް ކޮށްފައި ނެތް ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ، އާދިއްތަ ދުވަހުގެރޭ ބޭއްވި ޕީއެންއެފްގެ ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވިދާޅުވީ އިންޑިއާއިން ގިނަ ކަންތައްތައް ކޮށްދިން ނަމަވެސް ރާއްޖޭގެ ސަރުކާރުން ދާން ނުޖެހޭ ލެވެލްއަށް ގޮސް ގިނަ ކަންތައްތައް ކުރެއްވުމުން ރައްޔިތުންނަށް މި ކަންތައްތައް ބަލައިގަންނަން އުނދަގޫ ވެއްޖެ ކަމަށެވެ.

ރައީސް ޔާމީން ވިދާޅުވީ މިހާރުގެ ސަރުކާރުން ދެއްކެވި ވާހަކަފުޅާ އަމަލުކުރަމުން ގެންދާ ގޮތް އުޑާ ބިމާހާ ތަފާތުވުމުން ރައްޔިތުން މިހާރު ސަރުކާރުން ދައްކާ ވާހަކަތައް ޤަބޫލެއް ނުކުރާ ކަމަށެވެ.