ޕަބްލިކް ރިއެކްޝަންގަ ރައީސް ޑރ މުހައްމަދު މުއިއްޒަށް މާ ބޮޑު ތާއީދެއް މާބޮޑު ތައުރީފެއް ކޮށްފައި ނެތް ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވީ، އާދިއްތަ ދުވަހުގެރޭ ބޭއްވި ޕީއެންއެފްގެ ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.
ރައީސް ޔާމީން ވިދާޅުވީ އިންޑިއާއިން ގިނަ ކަންތައްތައް ކޮށްދިން ނަމަވެސް ރާއްޖޭގެ ސަރުކާރުން ދާން ނުޖެހޭ ލެވެލްއަށް ގޮސް ގިނަ ކަންތައްތައް ކުރެއްވުމުން ރައްޔިތުންނަށް މި ކަންތައްތައް ބަލައިގަންނަން އުނދަގޫ ވެއްޖެ ކަމަށެވެ.
އެއް ކަމަކީ ވަރަށް ބޮޑު، ވަރަށް ވަރުގަދަ ދަތުރުފުޅެއް، މޯދީގެ ދަތުރު ދެން މި ދިޔައީ އެއާރޕޯޓް ޓާމިނަލް ހުޅުވުން. އެކަމަކު މިއިން "ޕަބްލިކް ރިެއްކްޝަން" ބައްލަވަބަލާށޭ. ޕަބްލިކް ރިއެކްޝަންގަ ނެތޭ ރައީސް މުއިއްޒަކަށް މާ ބޮޑު ތާއީދެއް މާބޮޑު ތައުރީފެއް ކޮށްފައެއް. އެހެންމަ މިއުޅެނީ ފަންޑަމެންޓަލް މައްސަލަތަކެއް މި ޖެހެނީ ޑައިސެކްޓްކުރަން މިވީ ކީއްތޯ ބަލަން.
ރައީސް ޔާމީން ވިދާޅުވި
ރައީސް ޔާމީން ވިދާޅުވީ މިހާރުގެ ސަރުކާރުން ދެއްކެވި ވާހަކަފުޅާ އަމަލުކުރަމުން ގެންދާ ގޮތް އުޑާ ބިމާހާ ތަފާތުވުމުން ރައްޔިތުން މިހާރު ސަރުކާރުން ދައްކާ ވާހަކަތައް ޤަބޫލެއް ނުކުރާ ކަމަށެވެ.
