Vakkankurumaai Corruption Ah Dhahivethivaa Meehun Muizzu Aaeku Thibeynee:Raees Yaameen

ރައީސް މުހައްމަދު މުއިއްޒާއެކު ތިބޭނީ ލާރި ލިބުމާއި، ވައްކަން ކުރުމާއި ކޮރަޕްޝަންއަށް ދަހިވެތިވާ މީހުން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ، އާދިއްތަ ދުވަހުގެރޭ ބޭއްވި ޕީއެންއެފްގެ ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވިދާޅުވީ އެއާޕޯޓްގެ 70 % ނިންމާފައިވާ ކަމަށް ބުނިނަމަލް ވެސް ޓާމިނަލް ހުޅުވާފައިވާއިރު އެއާޕޯޓްގެ ކިހާވަރެއް ޓާމިނަލް ހިއްސާކުރާތޯ ބަލަން ޖެހޭ ކަމަށެވެ.

މި "ސްލޯ ސްޕީޑު"ގައި މިކަން ކުރާ ބަޔަކަށް 70% ނިންމިދާނެތޯ؟. އެއޮތީ ޓާމިނަލް އޮތް ގޮތް އިނގޭތޯ. އެކަމަކު އެއަށް ހަރަދުކޮށްލައިފި ގާތްގަނޑަކަށް 6 މިލިޔަން 7 މިލިޔަން ޑޮލަރުގެ ޑްރޯނަ ޝޯވއެއް "ވިޗް ވޯސް އަ ޑިޒާސްޓަރ". ކިރިޔާ ކންނޭގެ އެތާ ތިބި މީހުންގެ ބޮލަށް އެ ޑްރޯންތަކާއި އެއްޗެހި ނުވެއްޓުނީ. އެވެސް ލިބުނީ އިވެންޓް މެނޭޖްކުރާ ކުންފުންޏައް، ތާޅަފިލި ހިފައިން އަޑުގަދަކޮށް އުޅޭ މީހުންނަށް. މިހެން ހަދާފަ މުޅި ރާއްޖޭގެ ހުރިހާ ދިމާލެއްގަ ކޮރަޕްޝަން މިއޮތީ. މިހެން އޮއްވާ މުއިޒް މި ވިދާޅުވަނީ އެކި މީހުން އެކި ދިމާލަށް ގޮސްގެންނެއް ޤައުމު ސަލާމަތަކުންނެއް ނޯންނާނޭ. އެންމެން ދާންވީ މުޢިއްޒާއެކު މޯދީގެ އަރިހައް.

- - ރައީސް ޔާމީން ވިދާޅުވި

ރައީސް ޔާމީން އިތުރަށް ވިދާޅުވީ މުއިއްޒު ވިދާޅުވާގޮތުންނަމަ ރައްޔިތުން ދާންވީ ނުވަތަ ކަންތައް ކުރަންވީ ވެރިކަމުގައި ހުންނަ މީހާ ބުނާ ގޮތަށް ކަމަށެވެ. ނަމަވެސް މި ގޮތަށް ކަންތައް ކުރުމަކީ ޑިމޮކްރަސީ އެއް އުފެދިގެން އަންނަ ސަބަބު ކަމަށް ރައީސް ޔާމީން ވަނީ ވިދާޅުވެފައެވެ.