ވެރިޔަކަށް އަންނަ މީހަކު ކާރިޖީ ސިޔާސަތު ޤާއިމްކުރާއިރު ވިސްނަންޖެހޭ ކަންތައްތައް ހުންނާނެ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.
ރައީސް ޔާމީން މިފަދައިން ވިދާޅުވީ، އާދިއްތަ ދުވަހުގެރޭ ބޭއްވި ޕީއެންއެފްގެ ފްރޮންޓް އޮފީސް ޖަލްސާގައި ވާހަކަފުޅު ދައްކަވަމުންނެވެ.
ރައީސް ޔާމީން ވިދާޅުވީ އެހީ ދިނުމާއި ފޯރުންތެރިކަން ހުރި ބަޔަކާ، ފަސޭހައިން ލިބޭނީ ކޮން ބަޔަކުންތޯ ބަލަން ޖެހޭނެ ކަމަށެވެ.
ދުނިޔޭގަ "ޑީޖޫރޭ" ގެ ހުރިހާ ކަމެއްވެސް ހުންނާނީ ވަރށް ރަނގަޅަށް،"ތިއޮރެޓިކްލީ". އެކަމަކު ޑީފެކްޓޯގެ ކަންތައްތައް ވާނީ އެހެނެއްނޫން، "ޑީފެކްޓޯ" ކޮންމެ މީހެއްވެސް މަސައްކަތް ކުރަނީ އެ މީހެއްގެ ޖާހުގަ، އެކަކަށްވުރެ އަނެކަކު މޮޅުވާން. އިސްލާމީ އުންމަތުގަވެސް ލީޑާޝިޕްއަށް ދައުވާކުރާ 3،4 ދައުލަތް އެބަ އޮތް. އެހެންމަ މި މުގޯލިތަކުގަ އަޅުގަނޑުމެން ފައިއަޅާއިރު އަޅުގަނޑުމެން ބަލަންވާނެ މި ފައި އެޅެނީ ކޮން މުގޯއްޔެއްގަތޯ.
ރައީސް ޔާމީން ވިދާޅުވި
ރައީސް ޔާމީން ވިދާޅުވީ އިސްލާމީ އުންމަތުގެ ތެރޭގައިވެސް ލީޑާޝިޕްގަ ޕޮލިޓިކްސް ހުންނަ ކަމެއް ރައީސް މުއިއްޒަކަށް އެނގިވަޑައިނުގަންނަ ކަމަށެވެ.
ރައީސް މުއިއްޒު "ރީސާޗް" ތައް ނުކޮށް ކަންތައްތައް ނިންމާފައިވާ ކަންވެސް ރައީސް ޔާމީން ވަނީ ފާހަގަކުރައްވާފައެވެ.
