އިރާނުން މި ތައްޔާރުވަނީ އިސްރާއީލާ އެކު ކުރާ ފަހު ހަނގުރާމައަށް ކަމަށް އީރާނުގެ އެންމެ މަތީ ލީޑަރު އަދި އަސްކަރީ މުޝީރު އާޔަތުﷲ އަލީ ޚާމަނާއީ ވިދާޅުވެއްޖެއެވެ.
އަހަރުމެން މިތިބީ ހަނގުރާމަ ހުއްޓާލުމުގެ މަރުހަލާއެއްގައި ނޫން ކަމަށާއި ހަނގުރާމައިގެ މަރުހަލާއެއްގައި ކަމަށް ޚާމަނާއީ ފާހަގަކޮށްފައިވެއެވެ.
ކޮންމެ ވަގުތަކުވެސް ޔަހޫދީ ސަހްޔޫނީންނާއި އެކު ހަނގުރާމަ ފެށިދާނެ ކަމަށާއި އަދި ދެން ފެށޭ ހަނގުރާމައިން ބޭނުންވަނީ ސަހްޔޫނީންގެ ދުވަސް އެއްކޮށް ދުއްވާލާ މުޅި ސަހްޔޫނީންގެ އާބާދީ ހިމެނޭ ސަރަހައްދު ސުންނާފަތިކޮށްލަން ކަމަށްވެސް ޚާމަނާއި ބުނެފައިވެއެވެ.
މީގެ އިތުރުން، ހަނގުރާމަ ހުއްޓުމެއް ނެތް ކަމަށާއި ސަހްޔޫނީން ގެ ނިމުން އަންނަ ކަމަށް ބުނެ އިންޒާރު ދީފައިވެއެވެ.
ސަހްޔޫނީން ފަލަސްތީނާއި ދެކޮޅަށް ކުރަމުންދާ ހަނގުރާމައިގައި ފަލަސްތީނުގެ ދިފާއުގައި އިރާނުން ތެދުވުމުން ސަހްޔޫނީންގެ ވަރުގަދަ ހަމަލާތައް އިރާނަށްވެސް އަމާޒުކޮށްފައިވެއެވެ.
ސަހްޔޫނީން އަންނަނީ ފަލަސްތީނުގެ މުޅި ޣައްޒާ ހިފުމަށް ތައްޔާރުވެ އެކަމަށް ތައްޔާރުވަމުންނެވެ.
