ގަނޫނު ތަންފީޒު ކުރާނެ އެއްވެސް ނިޒާމެއް ގާއިމު ކުރެވިފައި ނެތް ކަމަށް ރައީސް އަބްދުﷲ ޔާމީން އަބްދުލް ގައްޔޫމް އަލަށް އުފައްދަވާ ޕާޓީ ޕީއެންއެފްގެ ފަރާތުން ރައްޔިތުން މަޖިލިސް އިންތިހާބުގައި މައްޗަން ގޯޅި އުތުރު ދާއިރާގެ ގޮނޑިއަށް ވާދަކުރައްވާ އައްސަދު ޝަރީފް ވިދާޅުވެއްޖެއެވެ.
އައްސަދު މިފަދައިން ވިދާޅުވީ އަންގާރަ ދުވަހުގެ ރޭ ޗެނަލް 13 އިން ގެނަސްދިން ޕީއެންއެފްގެ އަދާހަމަ ޕްރޮގްރާމްގައި ވާހަކަ ދައްކަވަމުންނެވެ.
އައްސަދު ވިދާޅުވީ އިސްލާމީ މުޖުތަމައު އެއް މިވަނީ ފަސާދަވެގެން ގޮސްފަ ކަމަށާއި މިކަން ކަމަށް ހައްލު ގެނެވޭނީ ދެތުވެރިނިޔަތާެކު މަޖިލީސް ތެރޭ މަސައްކަތް ކުރެވިގެން ޖަވާބު ދާރީ ކުރުވިގެން ކަމަށާއި ހަގީގަތުގައި ގާނޫނު ތަންފީޒު ކުރެވޭނެ އެއްވެސް ނިޒާމެއް ގާއިމު ކުރެވިފައި ނެތް ކަމަށެވެ.
އިސްލާމީ މުޖުތަމައު އެއް މިވަނީ ހަމަ ފަސާދަވެގެން ގޮސްފަ. މި ކަންކަމަށް ހައްލު ގެނެވޭނީ ތެދުވެރި ނިޔަތް އޮވެގެން، މަޖިލިސް ތެރޭ މަސައްކަތް ކުރެވިގެން، ޖަވާބުދާރީ ކުރުވިގެން. މައިގަނޑު ގޮތެއްގައި ކުރުކޮށް ދަންނަވަންޔާ ލޯ އެންފޯސް ކުރެވޭނެ އެއްވެސް ނިޒާމެއް ގާއިމު ކުރެވިފައެއް ނެތް.
އައްސަދު ޝަރީފް
މީގެ އިތުރުން އައްސަދު ވިދާޅުވީ ގާނޫނީ ލިޔެކިޔުންތަކުން ފެންނަން ހުރި ހުރިހާ ކަމެއްވެސް މިދަނީ ތަންފީޒު ކުރާނެ އިހްލާސްތެރި ފަރާތްތަކެއް ނެތި ކަމަށެވެ.
