ސަހްޔޫނީންގެ ތަސައްވުރު ގެއްލުވާލުމަށް ޗައިނާ އިން މަސައްކަތް ކުރަމުން އަންނަ ކަމަށް އެ ގައުމުގެ ބޮޑުވަޒީރު ބެންޖަމިން ނަތަންޔާހޫ ވިދާޅުވެއްޖެ އެވެ.
ނަތަންޔާހޫ ތުހުމަތު ކުރެއްވި ގޮތުގައި ޗައިނާ އާއި ގަތަރުން މީޑިއާ، ސޯޝަލް މީޑިއާ، އާޓިފިޝަލް އިންޓެލިޖެންސް އަދި މާލީ ވަސީލަތްތައް ބޭނުންކޮށްގެން ބައިނަލްއަގުވާމީ މައިދާނުގައި ސަހްޔޫނީން އެކަހެރި ކުރުމަށް އަންނަނީ މަސައްކަތް ކުރަމުންނެވެ.
ނަމަވެސް ޗައިނާއިން ވަނީ އެ ތުހުމަތުތައް ދޮގުކޮށްފަ އެވެ. ސަހްޔޫނީންގެ ގައުމުގައި ހުންނަ ޗައިނާ އެމްބަސީން ނެރުނު ބަޔާނެއްގައި ބުނެފައި ވަނީ ނަތަންޔާހޫގެ ވާހަކަތަކަކީ އެއްވެސް އަސާސެއް ނެތް ވާހަކަތަކެއް ކަމަށާއި އޭގެ ސަބަބުން ޗައިނާ އާއި ސަހްޔޫނީންގެ ގުޅުމަށް ބުރޫ އަރާފާނެ ކަމުގެ އިޝާރާތެއް ދީފައިވާ ކަމަށެވެ.
މިކަމާއި ގުޅިގެން ޗައިނާ އިން ބުނެފައިވަނީ ހަމަނުޖެހުންތަކުގެ ބަދަލުގައި "ޕޮލިޓިކަލް އިންޓެލިޖެންސް" އާއި މަޝްވަރާތަކުގައި ބައިވެރިވުމަށެވެ.
ނަތަންޔާހޫ ވިދާޅުވީ ސަހްޔޫނީން ބޭރުގެ ގައުމުތަކަށް ބަރޯސާވާ މިންވަރު ކުޑަކުރުމަށް އެ ގައުމުގެ އެތެރޭގެ ދިފާއީ އުފެއްދުންތައް އިތުރުކުރަން ޖެހޭ ކަމަށެވެ.
ނަތަންޔާހޫގެ މި ވާހަކަތަކުގެ ސަބަބުން ބައިނަލްއަގުވާމީ ބާރުތަކުގައި ސަހްޔޫނީންގެ ގުޅުން އިތުރަށް ހީނަރުވެދާނެ ކަމަށް ތަޖުރިބާކާރުން ބުނެ އެވެ.
