ސިނާއީ ޕެނިންސުލާގައި މިސްރުގެ އަސްކަރީ އުޅަނދުތަކާއި ސިފައިން އިތުރުކުރަމުންދާތީ ސަހްޔޫނީން ކަންބޮޑުވުން ފާޅުކޮށްފިއެވެ.

ރިޕޯޓްތައް ބުނާ ގޮތުން މިސްރުގެ ސިފައިން ވަނީ ފަހަކަށް އައިސް އިތުރު ސިފައިންނާއި ޓޭންކްތަކާއި ހަތިޔާރުތައް އެ ސަރަހައްދަށް ބަދަލުކޮށްފައެވެ.

މިސްރާއި ސަހްޔޫނީންނާއި ދެމެދު 1979 ވަނަ އަހަރު ސޮއިކުރި ސުލްހައިގެ މުއާހަދާގެ ސަބަބުން ސިނާއީ ސަރަހައްދު ވެގެން ގޮސްފައިވަނީ ނާޒުކު ސަރަހައްދަކަށެވެ. އެ މުއާހަދާގެ ސަބަބުން އަހަރުތަކެއް ވަންދެން ކުރިއަށް ގެންދިޔަ ހަނގުރާމަ ނިމުމަކަށް އައިސް، ކޮންމެ ގައުމަކަށް ވެސް ބޯޑަރު ކައިރީގައި ބެހެއްޓޭނެ ބާރުތައް ސާފުކޮށް ބަޔާންކޮށްފައިވެ އެވެ.

ނަމަވެސް، ސަހްޔޫނީން މިހާރު ގަބޫލުކުރާ ގޮތުގައި މިސްރުން އެ ސަރަހައްދުތަކުން ދުރަށް ދާން ޖެެއެވެ. ފަލަސްތީނުގެ ޣައްޒާ ހަމައެއް ލަމައެއް ނެތި އެމީހުންގެ ބާރު ދަށަށް ގެންނަ އުސޫލުން މި ސަރަހައްދަށްވެސް ސަހްޔޫނީންގެ ކޮންޓްރޯލް ނެގުމަށް މަސައްކަތް ކުރާ ކަމަށް ތުހުމަތު ކުރެވިފައިވެއެވެ.

ރިޕޯޓްތައް ބުނާގޮތުން ސަހްޔޫނީންގެ އޮފިޝަލުން އެމެރިކާއަށް ވަނީ މި މައްސަލައިގެ ތެރެއަށް ވަދެ މިސްރާއި ވާހަކަ ދެއްކުމަށް އެދިފައިވެއެވެ.

ވޮޝިންޓަން އަކީ ސަގާފީ ގޮތުން ސުލްހައިގެ އެއްބަސްވުން ދެމެހެއްޓުމާއި ދެގައުމަށް އަސްކަރީ އެހީ ފޯރުކޮށްދިނުމާއި ދެ ފަރާތުން ވެސް އެއްބަސްވުމަށް އަމަލުކުރާކަން ކަށަވަރުކުރުމުގައި މުހިންމު ދައުރެއް އަދާކުރާ ގައުމެކެވެ.

މިސްރުގެ ލީޑަރުން ވިދާޅުވާ ގޮތުގައި ބިލްޑްއަޕް ކުރިއަށް ގެންދަނީ ހަމައެކަނި ސަލާމަތީ ސަބަބުތަކަށްޓަކައެވެ. އެމީހުން ބުނާ ގޮތުގައި ސިނާއީ އަކީ ޒަމާނުއްސުރެ ހަނގުރާމަވެރި ޖަމާއަތްތަކާއި ސްމާގްލަރުންނާއި ބޯޑަރު ހުރަސްކޮށް ހަމަލާދޭ މަރުކަޒެއް ކަމަށާއި ޓެރަރިޒަމާ ދެކޮޅަށް ހަނގުރާމަކޮށް ގައުމީ ސަލާމަތް ހިމާޔަތް ކުރުމަށް އިތުރު ސިފައިން ބޭނުންވާ ކަމަށެވެ.

މި މައްސަލަ ހައްލު ކުރުމަށް ޚާރިޖީ ގޮތުން ދެ ގައުމުންވެސް މަޝްވަރާތައް ކުރަމުން އަންނައިރު މެދުއިރުމަތީގެ އިތުރު ހަނގުރާމައެއް ފެށިދާނެ ކަމުގެ ބިރު އޮތް ކަމަށް ބައިނަލްއަގްވާމީ ދިރާސާ ކުރާ ފަރާތްތަކުން އަންނަނީ ބުނަމުންނެވެ.