އިންޑިއާގެ މަގެއް މަތީގައި ނަމާދު ކުރަމުން ދިޔަ މުސްލިމުންނަށް އިންޑިއާގެ ފުލުހުން އުނދަގޫކޮށް އަނިޔާ ކުރާ މަންޒަރު ފެންނަ ވީޑިއޯއެއް ވައިރަލް ވެއްޖެއެވެ.

މި ވީޑިއޯއިން ފެންނަ ގޮތުގައި ނަމާދަށް ތިބި މީހުން ގަދަ ކަމުން ނަގާ، ނަމާދަށް ހުރަސްއެޅުމަށް ފުލުހުން މަސައްކަތްކޮށްފައިވެއެވެ.

މޯދީ ސަރުކާރަކީ އަބަދުވެސް މުސްލިމުންނާއި ދެކޮޅު، މުސްލިމުންނަށް ތަފާތު އުނދަގޫތަކާއި ތަކުލީފުތައް ކުރިމަތިކުރުވަމުން އަންނަ ސަރުކާރަކަށް ވާއިރު މިއީ އިންޑިއާ ސަރުކާރުން މުސްލިމުންނާ މެދު އަމަލުކުރާ ހަރުކަށިކަމުގެ މިސާލެއްގެ ގޮތުގައި ގިނަ ބަޔަކު ދެކެއެވެ.

ފާޑުކިޔާ މީހުން ބުނާ ގޮތުގައި ސަރުކާރުން މަސައްކަތް ކުރަނީ މުސްލިމުން ކޮންޓްރޯލްކޮށް، އިންޑިއާއިން މުސްލިމް ނަސްލު ނައްތާލުމަށްކަމަށް ބުނެ ޝުއޫރު ފާޅުކޮށްފައިވެއެވެ.

ނަމާދަކީ އިސްލާމްދީނުގެ މައިގަނޑު އަސާސީ އަޅުކަމެއް ކަމަށާއި އަނިޔާ ކުރުމުގެ ބަދަލުގައި ނަމާދު ކުރާ ވަގުތު ފުލުހުންގެ ހިމާޔަތް ލިބިދޭން ޖެހޭނެ ކަމަށް މުސްލިމުން ބުނެފައިވެއެވެ. އަދި މި ފުރުސަތު އިންޑިއާގައި މުސްލިމުންނަށް ދިނުމަށްވެސް ގޮވާލާފައިވެއެވެ.