އެމްޑީޕީން މާލޭގައި މިރޭ ކުރަމުންދާ މުޒާހަރާގެ ތެރެއިން ހަތް މީހަކު ހައްޔަރުކޮށްފި އެވެ.
މުޒާހަރާ ތެރެއިން ހަތް މީހަކު ހައްޔަރުކުރި ކަމަށް ފުލުހުން ބުނި ނަމަވެސް ސީދާ ހައްޔަރުކުރި ސަބަބެއް ނުބުނެ އެވެ.
އެހެންނަމަވެސް ފުލުހުން މުޒާހަރާގެ ތެރެއިން ބަޔަކު ހައްޔަރުކުރީ ފުލުހުންގެ އަމުރަށް ނުކިޔަމަންތެރިވެ ފުލުހުންނާ ކުރިމަތިލީ ފަހުންނެވެ.
ހައްޔަރުކުރި މީހުންގެ ތެރޭގައި ރައްޔިތުންގެ މަޖިލީހުގެ ކުރީގެ މެންބަރުންވެސް ހިމެނެ އެވެ.
އެމްޑީޕީގެ މުޒާހަރާއަކީ ހުއްދަ ދިން ގޮތަށް އިންތިޒާމު ކޮށްގެން ކުރިއަށް ގެންދަން ފެށި މުޒާހަރާއެއް ކަމަށް ނުވާތީ މިއީ ސުލްހަވެރި މުޒާހަރާއެއް ނޫން ކަމަށް ފުލުހުން ބުންޏެވެ. އެހެންވެ ހުއްދަ ދިން ގޮތާ ހިލާފަށް އަމަލުކުރި ފަރާތްތަކަށް ގާނޫނީ ފިޔަވަޅު އަޅާނެ ކަމަށް ފުލުހުން ބުންޏެވެ
