އިސްރާއިލުން ޣައްޒާގެ ދެކުނަށް ބޮން އަޅައި އެތައް ބަޔަކު ޝަހީދު ކޮށްލާފައިވާ ކަމަށް ޣައްޒާގެ ސިއްހަތާ ބެހޭ ވުޒާރާއިން ހާމަކޮށްފިއެވެ.


އިސްރާއިލުން ފަލަސްތީނަށް ދެމުންގެންދާ އަނިޔާވެރި ހަމަލާތަކުގައި ޣައްޒާގެ މެދުތެރެއަށާ ދެކުނަށް ބޮން އަޅައި އެތައް ބަޔަކު ޝަހީދު ކޮށްލާއިފާވާކަމަށް ޣައްޒާގެ ސިއްހަތާ ބެހޭ ވުޒާރާއިން ހާމަކޮށްފި އެވެ.

އެބޭފުޅުން ވިދާޅުވީ އިސްރާއީލުން ޣައްޒާގެ މެދުތެރެއާއި ދެކުނަށް ބޮން އެޅުމުގެ އިތުރުން ބިމުން ފަލަސްތީނުގެ އެތެރެއަށް ވަދެގަތުން ވަރުގަދަ ކުރަމުންދާކަމަށެވެ.

އަދި މި ހަމަލާތަކުގައި އެތައް ބަޔަކު ޝަހީދުވެފައިވާ ކަމަށާއި އޭގެ ތެރޭގައި ރަފާހު ސިޓީގެ އެއް އާއިލާއެއްގެ 15 މީހުން ހިމެނޭ ކަމަށް ވެސް ހާމަކޮށްފައިވެއެވެ.

އިސްރާއިލް ސިފައިން ވަނީ ހުޅަގުގެ އައްސޭރީގައި ސިލްސިލާ ރޭޑުތަކެއްވެސް ފަށާފައެވެ.

އޮކްޓޯބަރު މަހުގެ ހަތް ވަނަ ދުވަހުން ފެށިގެން އިސްރާއީލުން ޣައްޒާއަށް ދެމުން އަންނަ އަނިޔާވެރި ހަމަލާތަކުގައި 23،210 މީހުންވަނީ ޝަހީދު ކޮށްލާފައެވެ. އަދި 59،100 އަށް ވުރެ ގިނަ މީހުންނަށް ވަނީ އެކި ވަރުގެ އަނިޔާތަކާ އެކު ޒަހަމްކޮށްލާފައެވެ.