ޒުވާނުންނަށް ތަފާތު ކުރިއެރުންތައް ހޯދަ ދޭނެ ކަމަށް ރައްޔިތުން މަޖިލިސް އިންތިހާބުގައި ޕީއެންއެފްގެ ފަރާތުން ވިލިގިލީ ދާއިރާގެ ގޮޑިއަށް ވާދަކުރައްވާ އުސްތާޒު އަލީ ޝާހު ވިދާޅުވެއްޖެއެވެ.

ޝާހު މިފަދައިން ވިދާޅުވީ ރައްޔިތުން މަޖިލިސް އިންތިހާބަށް ޕީއެންއެފްގެ ފަރާތުން ވާދަ ކުރައްވާ ކެނޑިޑޭޓުން ތައާރަފް ކުރުމަށް ބާއްވަމުން އަންނަ ސިލްސިލާ ޖަލްސާ ތަކުގެ ތެރެއިން ބުރާސްފަތި ދުވަހު ބޭއްވި ޖަލްސާގައި ވާހަކަ ދައްކަވަމުންނެވެ.

ޝާހު ވިދާޅުވީ ޒުވާނުންނަކީ ސިޔާސީ މައިދާނުގައި ބަސްވިކޭ ބަސްބުނާ ބަޔަކަށް ހަދާދޭނެ ކަމަށާއި އަދި ހަަމައެހެންމެ ޒުވާނުންނަށް ތަފާތު ދާއިރާތަކުން ކުރިއެރުން ހޯދާ ދޭނެ ކަމަށެވެ.

މީގެ އިތުރުން ޒުވާނުންނާ ސަރުކާރާ ދޭތެރޭ އޮންނަ ފަރުދާ ކަޝްފުކޮށް ފޫއަޅުވާލާފައި ޒުވާނުންނަށް ސީދާ ގޮތެއްގައި ޕާޓީ ތަކުގެ ވެރިންނާ ހަމައަށް ހާއްސަކޮށް ޕީއެންއެފްގެ ވެރިންނާ ހަމައަށް އައިސް މަސައްކަތް ކުރުމުގެ ޖާގަ ތަނަވަސް ކޮށްދޭނެ ކަމަށެވެ.