ހުޅުމާލޭ ދެވަނަ ފިޔަވަހީގައި ބިނާ ކުރި ދާއިމީ މިސްކިތް ނިންމާ އަންނަ ހަފްތާގައި ހުޅުވާނެ ކަމަށް އިސްލާމިކް މިނިސްޓަރު ޑރ. ޝަހީމް އަލީ ސައީދު ވިދާޅުވެއްޖެއެވެ.

ހުޅުމާލޭ ދެވަނަ ފިޔަވަހީގައި ގާއިމު ކުރި ދާއިމީ މިސްކިތަކީ އަމިއްލަ ފަރާތަކުން ބިނާ ކުރާ މިސްކިތެކެވެ.

މި މިސްކިތަކީ މިހާރު ހުޅުމާލޭ ދެވަނަ ފިޔަވަހީގައި ގާއިމް ކުރަމުންދާ މިސްކިތްތަކުގެ ތެރެއިން އެންމެ ބޮޑުއެއް މިސްކިތް ކަމަށާއި އަދި މި މިސްކިތަކީ 1500 މީހުންގެ ޖާގައިގެ ބޮޑު މިސްކިތް ކަމަށް މިނިސްޓަރު ޝަހީމް ވިދާޅުވިއެވެ.

މި މިސް މިސްކިތުގެ އިތުރުން ގައި 2800 މީހުންގެ ޖާގައިގެ މިސްކިތަކާއި، 3000 މީހުންގެ ޖާގައިގެ މިސްކިތަކާއި، 1500 މީހުންގެ ޖާގައިގެ މިސްކިތެއްގެ އިތުރުން 1162 މީހުންގެ ޖާގައިގެ މިސްކިތެއްގެ ޢަމަލީ މަސައްކަތް ކުރިއަށް ދާއިރު މި މިސްކިތްތަކުގެ އިތުރުން ދާއިމީ އިތުރު މިސްކިތެއް އެޅުމަށް މަޝްވަރާތައް ކުރައްވަމުން ގެންދަވާކަމަށް މިނިސްޓަރު ވިދާޅުވިއެވެ.

މިނިސްޓަރު ވިދާޅުވީ ދެވަނަ ފިޔަވަހީގެ މިސްކިތްތަކަށް އިމާމުން ހަމަޖައްސާނީ ދެވަނަ ފިޔަވަހީގައި ދިރިއުޅޭ ފަރާތްތަކުގެ ތެރެއިން ރީތިކޮށް ކިޔަވާ ޢިލްމީ ފަރާތްތައްކަމަށާއި ޚާއްސަކޮށް ޙާފިޒުންނަށް އިސްކަންދެވޭނެ ކަމަށާއި އަދި މިއަހަރުގެ ރޯދަ މަހަށްފަހު ފޭސް 2 ގައި ހުޅުވާ ދާއިމީ މިސްކިތްތަކުގައި ދަމު ނަމާދުވެސް އޮންނާނެކަމަށެވެ.