އަނިޔާވެރި ސަހްޔޫނީން ޣައްޒާގެ ރައްޔިތުންނަށް ހަމަލާދީ އެތަކެއް ބަޔަކު ޝަހީދުކޮށްލުމަށްފަހު އެމީހުން ހިތް އުފާކޮށްލާ، މަޖާކޮށްލަން އިންޑިއާގައި އެމީހުންނަށް ވަކި ސަރަހައްދެއް ކަނޑައަޅާ އިންޑިއާގެ ރައްޔިތުންނަށްވެސް ނުވަދެވޭ ގޮތަށް ވަނީ ހަދާފައެވެ.
މި ސަރަހައްދު ފުރިފައިވަނީ ސަހްޔޫނީންގެ މީހުންތަކުން ކަމަށާއި މި ސަރަހައްދުގައި އެމީހުން ޕާޓީކޮށް، ޗުއްޓީ ހޭދަކުރުމުގެ ފުރުސަތު އިންޑިއާ ސަރުކާރުން ވަނީ ފަހިކޮށްދީފައެވެ.
އިންޑިއާގެ މޯދީ ސަރުކާރަކީ ސަހްޔޫނީންނަށް ވާގިވެރިވެ ޣައްޒާ ރައްޔިތުންނާއި ދެކޮޅު، އެމީހުން މަރަން އަސްކަރީ ހަތިޔާރު ސަހްޔޫނީންނަށް ފޯރުކޮށްދީ ޣައްޒާ ރައްޔިތުން މަރާލާ އެމީހުންނަށް ފާޅުގައި ސޯޝަލް މީޑިއާގެ ޕްލެޓްފޯމްތަކުގައި މަލާމާތްކުރަމުން އަންނަ ބަޔެކެވެ.
މީގެ އިތުރުން، ޣައްޒާއާއި ދެކޮޅަށް ހަނގުރާމަކުރުމަށް މޯދީ ވަނީ އިންޑިއާގެ ސިފައިން ޣައްޒާގެ ބޯޑަރު ކައިރީގައި ސަހްޔޫނީންނަށް އެހީތެރިވުމަށްވެސް ފޮނުވާފައެވެ. ސަހްޔޫނީންގެ ލަޝްކަރުގެ ތެރެއިން އިންޑިއާ ސިފައިން ހަރަކާތްތެރިވާ ވީޑިއޯތައްވެސް ބައިނަލްއަގްވާމީ މީޑިއާތަކުން ރިޕޯޓްކޮށްފައިވެއެވެ.
މުސްލިމް ނަސްލެއް ނުވަތަ 60،000 ހާހަށްވުރެ ގިނަ މީހުން ޝަހީދުކޮށްލައިފައިވާ މީހުންނަށް އިންޑިއާއިން ވަކި ސަރަހައްދެއް ގާއިމުކޮށް އިންޑިއާ މީހުންނަށްވެސް ނުވަދެވޭ ގޮތް ހެދުމަކީ ޣައްޒާ ރައްޔިތުންނާއި ދެކޮޅަށް އިންޑިއާއިންވެސް ގަތުލުއާންމު ހިންގުންފަދަ ކަމެކެވެ.
