މެޖިސްޓްރޭޓު ކޯޓުތަކުގެ ފަނޑިޔާރުންވެސް އެންމެ ދަށްވެގެން ވެސް ގާނޫނާ ގުޅޭ ދާއިރާއަކުން ޑިގްރީއެއް ހާސިލްކުރަން މަޖުބޫރުކުރުވާ ފާސްކޮށްފިއެވެ.
މި ބިލް ފާސްކޮށްފައި ވަނީ މިއަދު މަޖިލީހުންނެވެ.
ކުރީގައި މެޖިސްޓްރޭޓު ކޯޓުތަކުގައި ފަނޑިޔާރުންނަށް އެންމެ ދަށްވެގެން އޮންނަން ޖެހެނީ ގަނޫނާ ގުޅޭ ދާއިރާއަކުން ޑިޕްލޮމާއެކެވެ.
މި ޝަރުތު ހަމަނުވާ ފަނޑިޔާރުންނަށް ޑިގްރީ ހާސިލް ކުރުމަށް ވަނީ 5 އަހަރުގެ މުއްދަތެއް ދެވިފައިއެވެ. މި މުއްދަތް ނިމުމުން މަގުބޫލު އުޒުރަކާއި ނުލާ، ޝަރުތު ހަމަނުވާ ފަނޑިޔާރުން މަގާމުން ވަކި ކުރެވޭނެކަމަށްވެސް ބިލްގައި އޮތެވެ.
ބިލް ފާސްކޮށްފައިވަނީ، އެކަމަށް ނެގި ވޯޓުގައި ބައިވެރިވެވަޑައިިގެންނެވި 64 މެންބަރުންގެ ވޯޓައިއެކުގައިއެވެ.
