އިންޑިއާގެ ރެޑް ފޯޓްގައި އެއްޗެހިތަކެއް ގޮއްވާލި ހާދިސާއާއި ގުޅިގެން މިހާރު އެ ސަރަހައްދުގައި ހުރި "ލާލް ގައިލާ" މެޓްރޯ ސްޓޭޝަން ބަންދުކޮށްފިއެވެ.

މިހާތަނަށް 13 މީހަކު މަރުވެ، 24 މީހަކު ޒަހަމްވެފައިވާ ކަމަށް މީޑިއާ ރިޕޯޓްތައް ބުނެއެވެ.

މި ހާދިސާގައި ޒަޚަމްވި މީހުން އެޑްމިޓްކޮށްގެން ފަރުވާ ދެމުން ދަނީ ލޮކް ނަޔަކް ހޮސްޕިޓަލް (އެލްއެންޖޭޕީ) ގަައެވެ. މި ހާދިސާގައި ބަޔަކު މަރުވިކަން ހޮސްޕިޓަލުން މީޑިއާތަކަށް ވަނީ ކަށަވަރުކޮށްދީފައެވެ.

ދިއްލީ ފުލުހުން ބުނީ ރެޑް ފޯޓް ކައިރީގައި ކައިރިން ކާރެއްގައި އެެއްޗެއް ގޮވުމުން އެތައް ބަޔަކަށް އަނިޔާވެފައިވާ ކަމަށެވެ. އަދި ކައިރީގައި ހުރި ތިން ހަތަރު ވެހިކަލެއްގައި އަލިފާން ރޯވެ ގެއްލުން ލިބިފައިވާ ކަަމަށްވެސް ފުލުހުން ބުނެފައި ވެއެވެ.

ވިއޯން ނޫހުން ބުނީ ރެޑް ފޯޓްގެ ބޭރުގައި ގޮވުންތަކެއް ގޮވިއިރު، މި ހާދިސާ ހިނގަން މެދުވެރިވި ސަބަބެއް އަދި ނޭނގޭ ކަމަށެވެ.

ދިއްލީގެ އެކި ހިސާބުތަކުގައި ހައި އެލާޓް ނެރެފައިވާ އިރު، އެތައް ބަޔަކަށް އަނިޔާވި ކަމުގެ މައުލޫމާތު ފުލުހުންނަށް ލިބިފައިވާ ކަމަށްވެސް އެ ނޫހުން ބުނެފައިވެެއެވެ.

އެންޑީޓީވީން ބުނީ މި ހާދިސާއާ ގުޅިގެން މުމްބާއީ، ޖައިޕޫރު، އުއްތަރަ ޕްރަދޭޝް އަދި އުއްތަރަކަންޑުގައި ހައި އެލާޓް ނެރެފައިވާ ކަމަށެވެ.

މި ހާދިސާގެ ތުހުމަތު މޯދީ ސަރުކާރުން ޕާކިސްތާނުގެ ބޮލުގައި އަޅުވާ ޕާކިސްތާނަށް ހަމަލާ ދޭނެކަމަށް އަންނަނީ ބުނަމުންނެވެ.