ހުޅުމާލެ ފޭސް 2 ގައި ހިނގި އެކްސިޑެންޓްގައި ނިޔާވެފައިވަނީ އުމުރުން އެންމެ 19 އަހަރުގެ ކުއްޖެއްކަން ފުލުހުން ހާމަކޮށްފިއެވެ.
ދެ ސައިކަލު ޖެހިގެން ހިނގި މި އެކްސިޑެންޓްގައި ނިޔާވެފައިވަނީ، ލައިޓްގާޑެން/ ކ.ދިއްފުށި އިސްމާއިލް ރަޔާން ބިން ނާޒިމް (19އ.) އެވެ.
ހުޅުމާލެ ފޭސް 2، ނިކަގަސްމަގުގައި މި ހާދިސާ ހިނގާފައިވާއިރު، މި އެކްސިޑެންޓުގައި ނިޔާވި ކުއްޖާ ފިޔަވައި 2 މީހުންނަށް އަނިޔާވެފައިވެއެވެ.
ފުލުހުން މައުލޫމާތު ދިން ގޮތުގައި، މި އެކްސިޑެންޓަކީ ދެ ސައިކަލު ޖެހިގެން ހިނގި ނުރައްކާތެރި ހާދިސާއެކެވެ. އެކްސިޑެންޓް ހިނގުމާއެކު ފުލުހުން ވަނީ އެ ސަރަހައްދުގައި ހަރަކާތްތެރިވާން ފަށާފައެވެ.
