ޑާކްރެއިން އެންޓަޓެއިންމަންޓުން އަންނަ މަހު އަޅުވާ "އަލްވަދާއު" ފިލްމުގެ ޓައިޓަލް ލަވަ މާދަމާ ރޭގެ 8 ޖަހާއިރު ނެރެން ހަމަޖައްސައިފިއެވެ.
ޑާކްރެއިން އިން ބުނީ އެ ލަވަ ވެގެންދާނީ ފިލްމުގެ އިހުސާސްތަކާއި ޖަޒުބާތުތައް ވަރަށް ސާފުކޮށް ދައްކައިދޭނެ އަސަރުގަަދަ ލަވައަކަށެވެ. މި ލަވަ އަޑުއަހާފައި ގިނަ ބަޔަކު އަންނަނީ މިހާރުވެސް އެ ލަވައަށް ތައުރީފުކުރަމުންނެވެ.
އެ ލަވައަކީ މި އަހަރުގެ "ހާޓް ބްރޭކް އެންތެމް"ގެ ގޮތުގައި އެ ޕްރޮޑަކްޝަނުން ވަނީ ސިފަކޮށްފައެވެ.
އީސާ ޝަރީފްގެ ޅެމަކަށް ޑީއާރް ޕްރޮޑަކްޝަނުން މިއުޒިކް ހަދާދީފައިވާ މި ލަވައިގެ ސޯންގް މާސްޓަރިން ހަދައިދީފައިވަނީ ހުސައިން ތައުފީގް އެވެ.
މި ލަވަ ކިޔައިދީފައިވަނީ ޒުވާން ލަވަކިޔުންތެރިޔާ އަހުމަދު އިޝާމްއެވެ.
މިއީ އިޝާމް ދިވެހި ފިލްމަކަށް ލަވާކިޔާދިން ފުރަތަމަ ފަހަރުކަން ފާހަގަކޮށްލެވެއެވެ.
މި ފިލްމުގައި ވަރަށް ގިނަ ދިވެހި ފިލްމީ ތަރިން އުޅޭއިރު ލީޑް ރޯލުން ފެނިގެންދަނީ މިހާރު ޑީއާރްގެ ފިލްމުތަކުން ފެންނަ ޝަރަފް އަބްދުالله އާއި މަރިޔަމް މަޖުދާއެވެ.
