ކުރުކޮށް މި ސަރުކާރު ސިފަ ކުރައްވާ ނަމަ، މިއީ އަނދިރި ދައުލަތެއްކަމަށް ގާނޫނީ ވަކީލް އަލްއުސްތާޒް އަލީ ޝާހް ވިދާޅުވެއްޖެއެވެ.
ޝާހު މިފަދައިން ވިދާޅުވީ ރައިސް ޑެ. މުހައްމަދު މުއިއްޒުގެ ސަރުކާރަށް 2 އަހަރު ފުރުމުން ޗެނަލް 13 އިން ކުރިއަށް ގެންދާ ހާއްސަ ކަވަރޭޖްގައި ވާހަކަފުޅުދައްކަވަމުންނެވެ.
ޝާހު ވިދާޅުވީ މުއިއްޒު ވެރިކަމަށް އެރުއްވީ ރައިސް ޔާމީންގެ މެނިފެސްޓޯ ހިއްޕަވައިގެން ކަމަށެވެ. ނަމަވެސް މެނިފެސްޓޯއާ ދެކޮޅަށް މުއިއްޒު އަންނަނީ ޖުޑީޝަރީއަށް ނުފޫޒުފޯރުވަމުން ކަމަށެވެ.
އެގޮތުން، ޖުޑިޝަރީއަށް ނުފޫޒު ފޯރުވާ ކަމުގެ ހެކި އަދި އަދުލުވެރިކާމައި އިންސާފުނެތްކަން ރާއްޖޭގެ ތާރީހުން ހެކި ދޭނެކަމަށްވެސް ޝާހު ވިދާޅުވިއެވެ.
މި ކަންކަމުގެ ތެރޭގަ، ސުޕްރީމް ކޯޓުގެ ފަނޑިޔާރުން ސަސްޕެންޑު ކުރުމާއި، ރައިސް މުއިއްޒު ބޭނުންފުޅުވާގޮތަށް ޝަރީއަތްތައް ކުރިއަށް ނުދާ ނަމަ ރައީސްގެ ވަކީލުން ލައްވާ ގުޅުއްވަން ޖެހޭ ފަރާތްތަކަށް ގުޅުއްވައިގެން ބާރުގެ ބޭނުން ކުރާކަމަށް ޝާހު ވިދާޅުވިއެވެމ
އިތުރަށް ޝާހު ވިދާޅުވީ، ރައްޔިތުން މި ޖެހެނީ އަސާސީ ބޭނުންތަކަށް އެދި އާދޭސް ކުރަން ކަމަށެވެ. އަދި، އެކި އިނާޔާތްތައް އުނިކޮށް ރައްޔިތުންނަށް ބޭނުންވާ އަސާސީ ހިދުމަތްތައް މިވަނީ ކުރީގެ ސަރުކާރަށް ވުރެ 4 ގުނަ އަށް އިތުރު ވެފައިކަމަށްވެސް ޝާހު ފާހަގަ ކުރެއްވިއެވެ.
