ސަރުކާރު ޖަވާބުދާރީ ކުރުވުމަކީ ރައްޔިތުންގެ މަޖިލީހުގެ ޒިންމާ ނަމަވެސް އެ ޒިންމާ އަދާކުރުމުގައި މަޖިލިސް ފެއިލްވެއްޖެކަމަށް ރައީސް އަބްދުالله ޔާމީން އަބްދުލްގައްޔޫމް ވިދާޅުވެއްްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ ޕީއެންއެެފްގެ ބުރާސްފަތި ދުވަހުގެ ރޭ އޮތް ޖަލްސާގައި ވާހަކަފުޅު ދައްކަވަމުންނެވެ.

ރައީސް ޔާމީން ވިދާޅުވީ ސަރުކާރު ޖަވާބުދާރީ ކުރުމަށް ރައްޔިތުންގެ މަޖިލިސް ނުކުޅިދިފައިވާތީ އެކަން ކުރަނީ ޕީއެންއެފްއިންކަމަށެވެ. އެގޮތުން ސަރުކާރުން އެންމެ ފައިސާއެއްވެސް އެ ޕާޓީން ނަގާފައި ނުވާނެކަމަށް ރައީސް ޔާމީން ވިދާޅުވިއެވެ.

ރައްޔިތުންގެ ގިނަ ބަޔަކު މިއަދުވެސް ބަލަނީ ޗެނެލް ތޭރަކަމަށާއި ސަރުކާރު ޖަވާބުދާރީކުރުވުމަށް ވަކިކޮޅަކަށް ނުޖެހި ރިޕޯޓުތަށް ވެސް ގެނެސް ދެނީ ޗެނަލް ތޭރާއިންކަމަށް ރައީސް ޔާމީން ވިދާޅުވިއެވެ. އަދި އެ ޓީވީ ސްޓޭޝަން ހިންގާކަށްވެސް ދައުލަތުން ލާރި ނަގާފައިނުވާނެކަމަށާއި މީގެކުރިިންވެސް ނަގާފައިނުވާނެކަމަށް އެމަނިކުފާނު ވިދާޅުވިއެވެ.

ރައީސް ޔާމީން އިތުރަށް ވިދާޅުވީ ކުރީގެ ރައީސުންނަށް ދޭ އިނާޔަތް ކަނޑާލައިގެން އެމަނިކުފާނަށް ވާނެ ގެއްލުމެއް ނޯންނާނެކަމަށެވެ. ގެއްލުމެއް ވިޔަސް ވާނީ އަދުގެ ރައީސް މުއިއްޒު ވެރިކަމުން ފައިބައިވަޑާއިގަތީމަ އެމަނިކުފާނަށް ކަމަށް ރައީސް ޔާމީން ވިދާޅުވިއެެވެ.

އެމަނިކުފާނުގެ ވާހަކަތަކޭ ކިޔާފައި ޕީޖީ ލީޑަރު ފަލާހުމެން ވާހަކަ ދައްކަންޏާ ފަލީހަވާނީ ހަމަ އަމިއްލަ މީހާކަމަށް ވިދާޅުވެ ރައީސް ޔާމީން ވަނީ ސަރުކާރަށް ފާޑުކިޔުން އަމާޒުކުރައްވާފައެވެ.