theyra online
ހަބަރު
ސިޔާސީ
ވިޔަފާރި
ދުނިޔެ
ރިޕޯޓު
ވީޑިއޯ
ފޮޓޯ
Theme
Copyright © 2013-2025 Media Ring Pvt Ltd.
All rights reserved
- / ލަންކާ އެކްސްޕްރެސް
ދުނިޔެ
ލަންކާއަށް ރަތް އިންޒާރު ނެރެފި: މަރުވި މީހުންގެ އަދަދު 56 އަށް
Aiminath Zawjah
އައިމިނަތް ޒަޢުޖާ
28 ނޮވެމްބަރު 2025
މާލެ ސިޓީ

ނެރެފައިވާއިރު، މިހާރު ކުރަމުންދާ ވިއްސާރައިގައި ފެންބޮޑުވެ، ބިންގަނޑު ކަނޑައިގެން ދިއުމުގެ ހާދިސާތަކުގައި މިހާތަނަށް 56 މީހުން މަރުވެ، 21 މީހަކު ގެއްލިއްޖެއެވެ.

ޑިޒާސްޓާ މެނޭޖްމަންޓް ސެންޓަރު (ޑީއެމްސީ) އިން ނެރުނު ބަޔާނެއްގައި ބުނީ ބަޑުއްލާގައި ބިންގަނޑު ކަނޑައިގެން ދިއުމުގެ ސަބަބުން 21 މީހުން މަރުވެފައިވާ ކަމަށެވެ. އެ މީހުން މަރުވެފައި ވަނީ ގެތަކުގެ ތެރެއިން ބިންގަނޑު ކަނޑައިގެން ދިއުމުގެ ސަބަބުންނެވެ.

މީސް މީޑިއާގައި އާންމުކޮށްފައިވާ ވީޑިއޯތަކުން ފެންނަނީ ފެންބޮޑުވުމުގެ ސަބަބުން ގެތައް ފުނޑުފުނޑުވެ އޮޔާދާ މަންޒަރެވެ.

ލަންކާއަށް މޫސުން ގޯސްވެ މިދިޔަ ހަފްތާއިން ފެށިގެން މަރުވި މީހުންގެ އަދަދު ވަނީ 31 އަށް އަރާފައެވެ. ބޯކޮށް ވާރޭވެހި ގެދޮރާއި ދަނޑުތަކާއި މަގުތަކުގައި ފެންބޮޑުވެ ބޮޑެތި ގެއްލުންތަކެއް ވަނީ ލިބިފައެވެ.

އޮފިޝަލުން ބުނީ ގިނަ ކޯރުތައް ފުރި، މަގުތައްވެސް ބަންދުވެފައިވާ ކަމަށެވެ. އޮފިޝަލުން ބުނި ގޮތުގައި އެ ޕްރޮވިންސްތައް ގުޅުވައިދޭ ބައެއް ބޮޑެތި މަގުތައް މިހާރު ވަނީ ބަންދުކޮށްފައެވެ.

އިރިގޭޝަން ޑިޕާޓްމަންޓުން ކުރިއަށް އޮތް 48 ގަޑިއިރުގެ ތެރޭގައި ކެލާނީ ކޯރުގެ ތިރި ސަރަހައްދުތަކަށް ފެންބޮޑުވުމުގެ ރަތް އިންޒާރު ނެރެފައިވާއިރު ވެރިރަށް ކޮލޮމްބޯއަކީ ނުރައްކަލަށް ހުށަހެޅިފައިވާ ސަރަހައްދުތަކުގެ ތެރޭގައި ހިމެނޭ ސަރަހައްދެކެވެ.

ލަންކާއަކީ ގިނަ ދިވެހިންވެސް ދިރިއުޅެމުންދާ އަދި ދަތުރުވެސް ކުރާ ގައުމެކެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved