މި މަހުގެ 17 ވަނަ ދުވަހު ޕީޕަލްސް ނެޝަނަލް ފްރޮންޓް (ޕީއެންއެފް) އިން ބޭއްވުމަށް ހަމަޖެހިފައިވާ "ރިސެޓް" ޖަލްސާއަށް ނުދެވޭ ފަރާތްތަކުން ސިޓިންގ ރޫމްގައި ޗިޕްސް ޕެކެޓެއް ހިފައިގެން ޖަލްސާ ބެލުމަށް އެ ޕާޓީގެ ސެކެޓްެރީ ޖެނެރަލް މުހައްމަދު މަލީހް ޖަމާލް އެދިއްޖެއެވެ.

މަލީހް މިފަދައިން ވިދާޅުވެފައިވަނީ "ރިސެޓް" ޖަލްސާއާއި ބެހޭގޮތުން މައުލޫމާތު ދިނުމަށް ހޮނިހިރު ދުވަހުގެ ރޭ އެ ޕާޓީގެ ފަރާްތުން ބޭއްވި ނޫސްވެރިންގެ ބައްދަލުވުމުގައެވެ.

މަލީހް ވިދާޅުވީ "ރިސެޓް" ޖަލްސާއަކީ ވަރަށް ބޮޑު ހަރަކާތެއްކަމަށާއި އެއީ އެންމެހާ ފަރާތްތަކަށް ވެސް ބޮޑު ސަޕްރިޒެއްކަަމަށެވެ.

މި ޖަލްސާގައި ބައިވެރިނުވެވެންޏާ ސިޓިން ރޫމްގައި އިންނަވާ ޗިޕްސް ޕެކެޓަކާއެކު ޖަލްސާ ބެލުމަކީ ރަނގަޅު ހިޔާލެއްކަމަށް މަލީހު ވިދާޅުވިއެވެ. ޖަލްސާ ބަލާއިރު ހަޖަމްކުރުމަށްވެސް މަލީހު އިލްތިމާސްކުރެއްވިއެވެ.

އަދި ޗިޕްސް ގަތުމަށް ސަރުކާރުގެ ފަރާތްތަކުގެ އަތުގައި ފައިސާ ނެތްނަމަ އެޑްރެސް ފޯރުކޮށްދެއްވުމުން އެބޭފުޅުންގެ ގެތަކަށް ޗިޕްސް ފޮނުވައިދެއްވާނެކަމަށް ވެސް މަލީހު ވިދާޅުވިއެވެ.

ނޫސްވެރިންގެ ބައްދަލުވުމުގައި މަލީހު އިތުރަށް ވިދާޅުވީ ޕީއެންއެފްގެ ޖަލްސާތަށް ރައީސް މުއިއްޒުގެ ދެކަނބަލުން ބައްލަވާކަމަށާއި ޖަލްސާގައި ރަނގަޅުކުރަން ބުނާ ކަންކަން ރަނގަޅުކުރަން މަސައްކަތް ކުރައްވާ މަންޒަރު ފެންނަކަމަށެވެ.

އެހެންނަމަވެސް މ.ދިމްޔާތު މުހައްމަދު މުއިއްޒާއި ސާޖިދާ މުހައްމަދު ދިވެހި ރާއްޖޭގެ ރައްޔިތުންގެ މައުސޫމްކަމުން ވައްކަންކޮށްފިކަމަށް ވިދާޅުވެ މަލީހު ވަނީ ފާޑުކިޔުން އަމާޒުކުރައްވާފައެވެ.