އިންޑިޔާގެ ކަރްނާޓަކާ ސްޓޭޓްގެ ޗީފް މިނިސްޓަރަކު، އާންމު ހަފުލާއެއްގެ ތެރެއިން މުސްލިމު އަންހެނެއްގެ މޫނު ބުރުގާ ބާލާފައިވާ ކަމަށް ރިޕޯޓްކޮށްފިއެވެ.

މި ހާދިސާ ހިނގާފައިވަނީ ކަރްނާޓަކާގެ ބެންގަލޫރު ސިޓީގައި ބޭއްވުނު ރަސްމިއްޔާތެއްގައެވެ. މިއީ އޭޔޫއެސްއެޗް (އަޔުރުވޭދާ، ޔޯގާ އެންޑް ނެޗުރޯޕެތީ، ޔޫނާނީ، ސިއްދާ، އަދި ހޯމިއޯޕެތީ) ޑޮކްޓަރުންނަށް ވަޒީފާގެ ސިޓީ ހަވާލުކުރުމަށް ބޭއްވުނު ރަސްމިއްޔާތެކެވެ.

ޗީފް މިނިސްޓަރާއި ވަނީ ވަޒީފާގެ ސިޓީތައް ބަހަމުން ގޮސް މުސްލިމު ޑޮކްޓަރަށް ލިޔުން ދިން ވަގުތު މޫނު ބުރުގާ އަޅައިގެން ހުރި ގޮތާމެދު ސުވާލުކޮށް ބުރުގާ ނެގުމަށް ބުނެފައިވެއެވެ. އެއަށްފަހު މިނިސްޓަރ ވަނީ ރަސްމިއްޔާތުގެ ހާޒިރީންގެ ކުރިމަތީގައި އެ އަންހެނާގެ މޫނު ބުރުގާ ގަދަކަމުން ބާލާފައެވެ. އެ ޗީފް މިނިސްޓަރ ބުނެފައިވަނީ، އާންމު ތަންތަނުގައި އެފަދަ ހެދުމެއް ނާޅާނެ ކަމަށާއި، އެއީ އެ ސްޓޭޓްގެ ސަގާފަތާ އެއްގޮތް ނޫން ކަމަށެވެ.

މި ހާދިސާގެ ވީޑިއޯތައް ސޯޝަލް މީޑިއާގައި އާންމުވުމާއެކު، ގިނަ އަދަދެއްގެ ބަޔަކު ވަނީ މިނިސްޓަރުގެ މި އަމަލު ކުއްވެރިކޮށްފައެވެ. އިސްލާމީ ޖަމާޢަތްތަކުންނާއި އިންސާނީ ހައްޤުތަކަށް މަސައްކަތްކުރާ ފަރާތްތަކުން މި އަމަލަކީ ދީނީ މިނިވަންކަމަށް އަރައިގަތުމެއް ކަމަށާއި، މުސްލިމު އަންހެނުންނަށް ކުރި ބޭއިންސާފެއް ކަމަށް ސިފަކޮށްފައިވެއެވެ. މޫނު ބުރުގާއަކީ މުސްލިމު އަންހެނުންގެ ދީނީ އުޞޫލުތަކުގެ ބައެއް ކަމަށް ވާއިރު، އެއްވެސް މީހަކަށް އެފަދަ ކަމަކަށް ހުރަސް އެޅުމުގެ ހައްގު ލިބިގެން ނުވާނެ ކަމަށް ވަނީ ބުނެފައެވެ.

އިންޑިޔާގައި މުސްލިމު އަންހެނުންގެ ހެދުން އެޅުމުގެ މިނިވަންކަމާ ގުޅޭގޮތުން ގިނަ ބަހުސްތަކެއް ކުރެވިފައިވާ މި ދަނޑިވަޅުގައި މި ހާދިސާ ހިނގާފައިވުމަކީ އިތުރު ކަންބޮޑުވުންތަކެއް އުފައްދާ ކަމެކެވެ. ސަރުކާރުން މިކަމާ ގުޅޭގޮތުން އަދި ރަސްމީ ބަހެއް ބުނެފައި ނުވި ނަމަވެސް، އިދިކޮޅު ފަރާތްތަކުން ވަނީ މިކަން ވަރަށް ބޮޑަށް ކުއްވެރިކޮށްފައެވެ.

މި ހާދިސާއާ ގުޅިގެން ކަރްނާޓަކާ ސްޓޭޓްގެ މުސްލިމު އަންހެނުންގެ މެދުގައި ވަނީ ބިރުވެރިކަމާއި ކަންބޮޑުވުން އުފެދިފައެވެ. އަދި ދީނީ މިނިވަންކަން ރައްކާތެރިކުރުމަށާއި، މުސްލިމު އަންހެނުންގެ ޙައްޤުތަކަށް އިޙުތިރާމް ކުރުމަށް ގޮވާލާފައިވެއެވެ. އަދި މި ހާދިސާއަކީ ދީނީ މިނިވަންކަމާއި މުސްލިމު އަންހެނުންގެ ޙައްޤުތަކަށް އަރައިގަތުމެއް ކަމަށް ގިނަ ބަޔަކު ދަނީ ސިފަކުރަމުންނެވެ.