ދިވެހިންނަށް ރައީސެއްގެ ގޮތުގައި ލިބިފައި ހުރީ ނޯޓު ކުރާ މީހެއް ކަމަށް ވިދާޅުވެ، ޕީޕަލްސް ނެޝަނަލް ފްރޮންޓު (ޕީއެންއެފް)ގެ ސެކެރެޓަރީ ޖެެނރަލް މުހައްމަދު މަލީހު ޖަމާލުގެ ފާޑުކިޔުން ރައީސް ޑރ މުހައްމަދު މުއިއްޒަށް އަމާޒުކުރައްވައިފިއެވެ.

އެކްސްގައި ކުރެއްވި ޕޯސްޓެއްގައި މަލީހު ވަނީ، މާލޭ މީހުންނަށް ޓަކައި އެޗްޑީސީ އުވާލަން ޖެހޭ ކަމަށް މޭޔަރުކަމުގައި ހުންނަވާ ވިދާޅުވުމަށް ފަހު ރައީސްކަމަށް ވަޑައިގެން އެކަމަށް އަމަލުނުކުރައްވާތީ ރައީސް މުއިއްޒަށް ފާޑުވިދާޅުވެފައެވެ.

އެގޮތުން ރައީސް މުއިއްޒު ދައްކަވަމުން ގެންދަވަނީ ތާކުން ތާކު ނުޖެހޭ "ހޮޅި" ވާހަކަތަކެއްކަން ފާހަގަކުރައްވާ މަލީހު ވިދާޅުވީ ރައީސެއްގެ ގޮތުގައި ދިވެހިންނަށް ލިބިފައި ހުރީ މިނިޓު ނަގަން ރަގަޅު މީހެއް ކަމަށާ ރައީސް މުއިއްޒަކީ ނޯޓު ކުރާ މީހެއް ކަމަށެވެ.

މަލީހު ވަނީ ރައީސް މުއިއްޒުގެ ބަހާ އަމަލާ ދިމާނުވެ ކަންކަން ކުރައްވަމުން ގެންދަވާ ގޮތުން ބޯ ހަލާކުވާ ދަރަޖައަށް ކަންކަން ގޮސްފައިވާ ކަމަށްވެސް ވިދާޅުވެފައެވެ.