ޤައުމުގެ ދަރަނި ބޮޑުވެގެން އެކަމުން ސަލާމަތް ނުވެގެން، ޤައުމު "ގިސްލާ ރޮނީއެވެ." ޤައުމުގެ ޙާލަތު އޮތީ ކިހިނެތްތޯ؟" އެއް ފަހަރު ނަމަވެސް، ވިސްނާލާނަމަ، ޤައުމަށް ނުބައްދަލު ނުއުފުލޭވަރުގެ ވަޢުދުތަކެއް އެއްވެސް ބަޔަކު ނުވާނެކަން ޔަގީނެވެ.

އާދެ މިރޭގެ ބޮޑު ރިޕޯޓުގައި ދައްކާލަން މިއުޅެނީ އިބްރާހިމާ އޭނާގެ ދަރަނީގެ ވާހަކައެވެ.

މާރިޗު މަހުގެ 4 ވަނަ ދުވަހުއެވެ. މެންދުރުން އަނބުރާ 1 ޖެހިއިރު ރައީސް ޑރ. މުހައްމަދު މުއިއްޒު ހުންނެވީ ރ. އަތޮޅު ދުވާފަރުގައެވެ. އެމަނިކުފާނުގެ "ރަސްމީ" ދަތުރުފުޅުގެ ތެރެއިން ރ އަތޮޅަށް ވަޑައިގެންނެވި ގެންނެވުމުގެ ތެރެއިންނެވެ.

ރަށު ރައްޔިތުންނާ ބައްދަލުކޮށް އެ ވިދާޅުވާ ނަމުން "ރަސްމީ" ނަމަވެސް ކަމުން "ކެމްޕެއިން" ކަމަށް ބައެއް މީހުން ކިޔަމުންދާ ދަތުރުފުޅުގެ އެއް ސޮފްހާ ނިންމަވާ ލައްވާ ދުވާފަރުން ފުރާ ވަޑައިގެންނެވިއެވެ. ދެއްކެވި ވާހަކަފުޅުގެ ތެރޭގައި ދޮގު ހެދުމަކީ އެމަނިކުފާނު ކުރައްވާނެ ކަމެއް ނޫން ކަމަށާ އަދި އެހެން މީހުން ކުރާ މަސައްކަތަކީ ދޮގު ހަދައިގެން އެމަނިކުފާނު ދައްކަވާ ވާހަކަ ޓުވިސްޓު ކުރުން ކަމަށް ވެސް އެމަނިކުފާނު ވިދާޅުވިއެވެ.

އޭގެއިތުރުންވެސް އެމަނިކުފާނު ވިދާޅުވީ އިދިކޮޅު ފަރާތްތަކުން އެމަނިކުފާނުގެ އަގު ވައްޓާލުމަށްޓަކައި ދޮގު ވާހަކަތައް ފަތުރަނީކަމަށެވެ.

ކޮންމެ އަކަސް މި ވާހަކަފުޅުތަކާ އެކު ރައީސް މުއިއްޒު އެ ރަށުން ފައިބައިވަޑައިގެންެވުމުން ދެން އެރަށަށް އެރީ ކިނބުލެއްގެ ގޮތުގައި ނިމި ދިޔަ ފަސް އަހަރު ގިނަ ބަޔަކު ސިފަކުރި ރައީސް އިބްރާހިމު މުހައްމަދު ސޯލިހުއެވެ.

ކުރުކޮށް ފޮނިކޮށް ބުނާނަމަ ރައީސް އިބްރާހިމުއެވެ.

ރައީސް އިބްރާހިމު ވަޑައިގެންެނެވީ މަޖިލިސް އިންތިހާބުގެ ކެމްޕެއިނަށެވެ. ވަޑައިގެން ދެއްކެވި ވާހަކަތަކަކީ މި ސަރުކާރަށް ކަމެއް ނުވާ ވާހަކައެވެ. މަޝްރޫއުތައް ލަސްވާހަކައެވެ. ދިވެހިން ސަރުކާރާ މެދު އެކަންކަމާ ހުރެ މާޔޫސްވެފައި ތިބި ވާހަކައެވެ.

ނާ މީނާ މިއީ މިވާހަކަ ދައްކަން އެންމެ ރަގަޅު އެންމެ ތާހިރު މީހާ ބާއޭ ހިތަށް އެރިއެވެ. މުޅި ފަސް އަހަރު ރައްޔިތުންނަށް ކަމެއް ކޮށްނުދީ ހުރެ މުޅި ދައުލަތް ދަވާލީމާ ރައްޔިތުން ނުކުމެ ގޮނޑިން ވައްޓާލި މީހެކެވެ.

ދެން ދެއްކެވީ އަދި މާ ހިނި އަންނަ ކަހަލަ ވާހަކައެކެވެ. ދަރަނީގެ ވާހަކައެވެ. ތިމަންމެން ގައުމު ހިންގީ ދަރަނި ނުނަގާ ހިލޭ އެހީގަޔޯލައެވެ. އައީ އަމަށަކު ހިންޏެއް ނޫނެވެ. އެހެނީ ނިމިދިޔަ ފަސް އަހަރަކީ ދިވެހި ޖުމްހޫރިއްޔަތުގެ ހަޔާތުގައިވެސް އެންމެ ބޮޑު ދަރަނި އުފެއްދި ފަސް އަހަރުކަން ހިސާބުތަކުން ފެންނަން އޮތުމުންނެވެ.

ނިމިދިޔަ ސަރުކާރާ ހަވާލުވި ފަހުން ނެގި 2.4 ބިލިއަން ޑޮލަރު(37 ބިލިއަން ރުފިޔާ)ގެ ދަރަންޏާ އެކު ރާއްޖޭގެ ޖުމްލަ ދަރަނި އޮތީ 100 ބިލިއަން ރުފިޔާއާ ގާތްކޮށްފައެވެ. ރާއްޖޭގެ ޖުމްލަ ދަރަނި ހުރި އަދަދަކީ ބޮލަކަށް 182،943ރ. ޖެހޭ ވަރުގެ އަދަދެކެވެ.

ދެން މިވަރުންވެސް މިކިޔަނީ މި ސަރުކާރަށް ކަންކަން ނުކުރެވިގެން އުޅޭ ވާހަކއެވެ. ނިމިދިޔަ ސަރުކާރުން ހޭވި ހަޑީގެ ސަބަބުން އިންވެސްޓަރުންގެ އިތުބާރު ހޯދަން މި ސަރުކާރަސް އޮތީ ބުރައަކަށްވެފައެވެ.

ނަމުން ބޮޑޫބޭބެއެއްގެ އުނގަށް ވެއްޓީ މުޅި ގައުމު ހަފުސްކޮށްލާ ކިޔާ އުޅުނު ހިލޭ އެހީވެސް އެއީ ހަމަ ރޯ ބުހުތާނު ދޮގުކަން އެނގިގެން ދިޔައީ މި ސަރުކާރު ހަވާލުވުމުންނެވެ.

ޙަޤީޤަތުގައި ސަރުކާރަކާ ޙަވާލުވެ، އެންމެ ފުރަތަމަ ވެސް ކުރަންޖެހޭނެ އަސްލު މަސައްކަތަކީ، ނަގާފައިވާ މާސިންގާ ލޯނުތަކަށް ފައިސާ އަނބުރާ ދައްކާ ދެއްކުމަށް މަސައްކަތް ފެށުމެވެ. ރުފިޔާގެ އަގު ހިފަހައްޓައި، އިންފްލޭޝަން ދަށްކުރުމަށް ނުވަަތަ ހިފެހެއްޓުމަށް މަސައްކަތް ކުރުމެވެ. ޤާނޫނުގެ ވެރިކަމެއް ހިންގައި އެންމެންގެ މައްޗަށް ހަމަހަމަ ވެރިކަމެއް ޤާއިމުކުރުމެވެ.

މިކަންކަން މި ސަރުކާރަށް ނުވެގެން އުޅެނީ ރައީސް މުއިއްޒުގެ މައްސަލައަކުން ކަމަށް ދައްކަން ޖަހަމުން ތިޔަ ދާހާ ޗައްކަރެއް މިހާރަކު ވޯކެއް ނުކުރާނެއެވެ.

ބަޖެޓް ސަޕޯޓަށް ކާގިލް ފައިނޭޝަލް ސާވިސް އިންޓަނޭޝަނަލް (ސީއެފްއެސްއައިޓީ) އިން ނެގި 50 މިލިއަން ޑޮލަރު ގެ ލޯނާ ކުނި މެނޭޖްކުރުމުގެ މަޝްރޫއަށް އިސްލާމިކް ޑިވަލޮޕްމެންޓް ބޭންކުން 18 މިލިއަން ޑޮލަރުގެ ވާހަކައާ އަދިވެސް އަދިވެސް ދައްކާ ހުސްނުވާ ވަރަށް ވާހަަކ އެބަހުއްޓެވެ.

ދެން އަޅެ ފަހެ މިހުރިހާ ކަމެއް ފެންނަން ލޯތައް މައްޗަށް ހުއްޓާ ރަށްރަށަށް އަރާ ތިޔަ ކިޔަނީ ފާފަޅޮލޭތޯއެވެ؟

ޖީޑީޕީގެ 50 އިންސައްތައަށް ވުރެ ދަރަނި މައްޗަށް ގޮސްފިނަމަ ޤައުމު ނުރައްކާތެރި ފައްތަރަކަށް ދާނެއެވެ. ތަފާސްހިސާބުތަކަށް ބަލާއިރު ރާއްޖޭގެ ޖީޑީޕީއަކީ މިހާރު 100 ބިލިއަން ރުފިޔާއެވެ. ރާއްޖޭގެ ދަރަނި މިހާރު އަންދާޒާކުރެވެނީ 115 ބިލިއަން ރުފިޔާއަށް އަރާފައިވާ ކަމަށެވެ. އަދި އަހަރު ނިމޭއިރު މިއަދަދު 120 އަށް އަރާނެކަމަށް ލަފާކުރެވެއެވެ.

ދަރަނި މައްޗަށް ގޮސް ރާއްޖޭގެ ހާލަތު ދަށަަށްދާއިރު، ދުނިޔޭގެ މާލީ ބާޒާރުތައް ތާށިވުމުގެ ސަބަބުން އިޤްތިސާދީގޮތުން ރާއްޖެއިން ބޭރުގެ ދަރަނި ބޮޑުވެ ރާއްޖޭގެ މާލީ ހާލަތައް ނުރައްކާތެރިކަން ކުރިމަތިވެފައިވާކަމަށް ދުނިޔޭގެ މާލީ އިދާރާ ވޯލްޑް ބޭންކުން ދާދިފަހުންވަނީ ބުނެފައެވެ.

މިހާލަތަށް ގައުމު ވައްޓާލުމަށް ފަހު ދެން އަޅެ ތިޔަ އުޅުއްވަނީ މިސްކިތުގައި ހުޅު ޖެހިމީހާ އުޅޭ ހެންނޫންތޯއެވެ؟ މަޖިލިސް ސަރުކާރަށް ނުދޭށޭ ކުރާނީ ހުސް ވައްކަމޭ ކިޔާ ތިޔަ ތަޅުވާ އަނގައަކީ އަމިއްލަ ފުޅަށް ކަންކުރެއްވި ގޮތުގެ ވާހަކައެވެ. މަޖިލީހާ ވެރިކަމާ ކައުންސިލްތަކާ އަދި ޖުޑީޝީއަރީވެސް މުށު ތެރެއަށް ލައިގެން ތިބެ ރައްޔިތުންނަށް ހަރާންކޯރުވީ ބަޔަކު ތި ނޫނީއްޔާ ނެތެވެ.

އޭ އިބްރާހިމާއެވެ. ދަރަނި ނުނަގަމޭ ބުނެ ޗަ އުޅެނީ ހިންޏަށް ހަކުރު އޮޅުވާލަން ހެއްޔެވެ؟