ރައީސް ޑރ މުހައްމަދު މުއިއްޒު ހަަދަމުންދާ ދޮގުގެ ސަބަބުން ނުކުމެދާނެ ނަތީޖާއަކާ މެދު ރައްޔިތުން ތިބީ ބިރުން ކަމަށް ކުރިގެ ނައިބު ރައީސް އަދި ޕީއެންއެފްގެ ނައިބު ރައީސް ޑރ މުހައްމަދު ޖަމީލު އަހުމަދު ވިދާޅުވެއްޖެއެވެ.
ޕީއެންއެފްގެ ޓައުން ހޯލު ޖަލްސާގައި އާދިއްތަ ދުވަހުގެ ރޭގެ ޖަލްސާގައި ބައިވެރިވެވަޑައިގެން ޑރ ޖަމީލު ވަނީ ގައުމާ މެދު ޚިޔާނާތާ މަކަރުވެރިކަން ޑރ މުއިއްޒު އިސްކުރަމުންދާ ކަމަށާ އެ ވާހަކަތަކަކީ ޕީއެންއެފުން ތަކުރާރުކޮށް ދައްކާ މިއަދު ރައްޔިތުން ފަރިތަ ވާހަކަތަކެއް ކަމަށް ވިދާޅުވެފައެވެ.
ނަމަވެސް މިއަދު މިކަމުގައި ރައްޔިތުން ތިބީ ބިރުވެރިކަމެއްގެ ތެރޭގައި ކަމަށާ އެހެނީ ވެރިމީހާގެ ތެދުވެރިކަމެއް ގެއްލުމުން ފަހުގެ ނިޔާ ކަނޑައެޅިގެންދާނެ ގޮތާ މެދު ފިކުރު އޮތުމުން ކަމަށެވެ.
ޑރ ޖަމީލު ވިދާޅުވީ މިއަދު ސަރުކާރުގެ ތެރޭގައި ވައްކަމާ ޚިޔާނާތް މެކުހަށް ޖަހާފައިވާއިރު، ރައީސް މުއިއްޒުގެ ބައްޕާފުޅު ދުނިޔޭގެ ހުންނެވި ނަމަ އެ ކަންކަން ހިންގަމުންދާ މީހުން އަތާ ފަޔާ ވެސް ބުރިކުރަން އިރުޝާދު ދޭނެ ކަމުގެ ޔަގީންކަން އެބައޮތް ކަމަށެވެ.
