ސޮވެރިން އެހެެން ޕޯޓެއް ނާޅާން އެއްބަސްވެ ދިވެހި ސަރުކާރުން މާލޭގެ ސީޕޯޓު ޑީޕީ ވޯލްޑްއަށް ވިއްކާލައިފި ކަމަސް ޕީއެންއެފްގެ ސެނެޓަރ އަހުމަދު ފަޔާޒު ވިދާޅުވެއްޖެއެވެ.
ސޯޝަލް މީޑިޔާގައި ކުރި ވީޑިއޯ ޕޯސްޓެއްގައި ފަޔާޒު ވަނީ އެ ޚަބަރު ދޮގުކުރަން ސަރުކާރަށް ނުކެރޭނެ ކަމަށާ ފިނޭންސް މިނިސްޓަރު މޫސާ ޒަމީރު މިވަގުތުވެސް ހުންނެވީ އެ ޑީލު ހެދުމަށް ކުރި ދަތުރުގައި ރާއްޖެއިން ބޭރުގައި ކަމަށް ވެސް ފަޔާޒު ވަނީ ވިދާޅުވެފައެވެ.
ޕާޕާ ވިދާޅުވީ އެ ވާހަކަ މުސާރައޮގެ ދަހިވެތިކަމުގައި ތިބި އަޅުކުރިން ދޮގުކޮށްފާނެ ކަމަށާ ނަމަވެސް އެއީ ސީދާ ސަރުކާރު ތެރެއިން އައިސްޖުރި ވާހަކަތައް ކަމަށްވެސް އޭނާ ވިދާޅުވިއެވެ. އެގޮތުން ވަޒީރުންގެ ތެރެއިން އައި ޚަބަރު ރައްޔިތުންގެ ސަމާލުކަމަށް އެކަން ގެނެސިނުމަށް އެދިފައިވާ ކަމަށާ ވަޒީރުންގެ ތެރޭގައިވެސް ވައްކަން ކުރި ނަމަވެސް ގައުމުގެ މިނިވަންކަން ގެއްލެން ނޭދޭ ވަޒީރުން ތިބި ކަމަށެވެ.
ވަޒީރު ޒަމީރު އެ ޑީލް ފައިނަލްކުރަން ގޮސް ދުބާއީގައި ހުރުމަށްފަހު ދުބާއި ބެންގަލޫރަސް ދަތުރުކޮށް ބެންގަލޫރު މަގުން ސިންގަޕޫރަށް ދަތުރުކުރަން ތައްޔާރުވަމުންދާ ކަމަށާ މި ފަދަ ގޮތަކަށް ޑީލެއް ނިންމަން ސަރުކާރަށް މަޖްބޫރުވީ ކުރިއަށް އޮތް އަަހަރު ދަރަނި ދައްކަން ފައިސާ ހޮދޭނެ ގޮތެއް ނެތުމުން ކަމަށާ އެއީ ކުރިންވެސް ޕާޕާމެން ދެއްކި ވާހަކައެއް ކަމަށް ވެސް ފާހަގަކުރެއްވިއެވެ. އަދި އެ ޑީލުގައި ދިވެހި ސަރުކާރުން ހުށަހެޅި އެއްވެސް ހުށަހެޅުމެއް ދުބާއީ ވޯލްޑްއިން ގަބޫލުނުކޮށް އެމީހުންގެ ޝަރުތުތަކަށް ދިވެހި ސަރުކާރު އެއްބަސްކުރުވި ކަމަށްވެސް ޕާޕާ ވިދާޅުވެފައިވެއެވެ.
ޕާޕާ ވިދާޅުވީ އެހެން ޕޯޓެއް ނާޅަން އެއްބަސްވެ ސީޕޯޓު ވިއްކާލުމުން ދެން ޖެހޭނީ އެމީހުން ތަކެތި އެތެރެކޮށް ފްރައިޓު ޗާޖު ނަގާ މިންވަރަކަށް އެއްބަސްވެ ތަކެތި އެތެރެކުރަން ކަމަށެވެ. އޭގެ ސަބަބުން ތަކެތިގެ އަގު އާންމު ރައްޔިތުންނަށް ނުކަތާ ވަރަށް ތަކެތީގެ އަގު މައްޗަށް ދާނެ ކަން ވެސް ޕާޕާ ފާހަގަކުރައްވާފައިވެއެވެ.
ޕާޕާ ވަނީ ހަނިމާދޫ އެއާޕޯޓުވެސް އިންޑިއާއާ ހަވާލުކުރާނެ ކަމަށް އޭނާ ދައްކަމުން އައި ވާހަކައިގެ ތެދު މިހާރު ހާމަވަމުންދާ ކަމަށެވެ. ޕޯޓޫ ދީފައިވަނީ 50 އަހަކަށް އަހަރަށް ކަމަށާ އަދި ސޮވެރިން އެހެން ޕޯޓެއްވެސް އެ މުއްދަތުގައި ރާއްޖޭގައި ގާއިމު ނުކުރެވޭނެކަމަަށް ވެސް ޕާޕާ ވިދާޅުވެފައިވެއެވެ.
ޑީޕީ ވޯލްޑަށް މާލޭގެ ޕޯޓު ދޭން ސަރުކާރުން އުޅޭ މަންޒަރު ފެންނަ ކަމަށް ރައީސް އަބްދުﷲ ޔާމީން މީގެ 1 އަހަރުކުރިން ވިދާޅުވެފައެވެ. ނަަމވެސް އޭރު ސަރުކާރުން އެކަން ދޮގުކުރިއެވެ.
ރައީސް ޔާމީން އެދުވަހު ވިދާޅުވީ ދުބާއި ވޯލްޑަށް ބައިނަލްއަގްވާމީ ޕޯޓު ދިނުމަކީ ޖީއެމްއާރަށް އެއާޕޯޓު ދިނުން ފަދަ ކަމެއް ކަމަށެވެ. އަދި އެމަނިކުފާނު ވިދާޅުވީ ކޮޗިންގައި މިހާރުވެސް ރާއްޖޭގެ ޕޯޓަށް ވުރެ ބޮޑު ޕޯޓެއް ދުބާއީ ވޯލްޑިއިން އަޅާފައި އެބައޮތް ކަމަށާ އެހެންކަމުން ރާއްޖޭގައި އެ ފުރުސަތު ދުބާއީ ވޯލްޑަށް ދީފިނަމަ ރާއްޖެ ވެގެން ދާނީ ކޮޗިންގައި އޮތް ޕޯޓުގެ ސެޓެލައިޓަކަށް ކަމަށްވުމުން އެމަނިކުފާނުގެ ޒައާމަތުގައި އެ ފުރުސަތު އޭރު ނުދެއްވީ ކަމަށެވެ.
ރައީސް ޔާމީން ވިދާޅުވީ ކިރިޔާ އިގްތިސޯދުގެ ކުޑަ މިންވަރެއް އެނގޭ މީހަކު ނަމަވެސް އެކަން އެ ގޮތަށް ނުކުރާނެ ކަމަށާ ދުބާއީ ވޯލްޑަށް މާލެ ޕޯޓު ވިއްކާލައިގެން ހިންގަން އުޅެނީ އިގްތިސޯދީ ބޮޑު ޖަރީމާ އެއް ކަމަށެވެ.
