ވެރިކަމަށް އާދެވުމަކީ ހަރު މުދާ ވިއްކަން ލިބޭ ލައިސަންސެއް ނޫން ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވީ އާދިއްތަ ދުވަހުގެރޭ ޕީއެންއެފުން ބޭއްވި ޖަލްސާގައި ވާހަކަފުޅު ދައްކަވަމުންނެވެ.

އާދިއްތަ ދުވަހުގެރޭ ބެއްވި ޖަލްސާގެ މައުޟޫއަށް އިންސާފުކޮށްދެެއްވަމުން ރައީސް ޔާމީން ވިދާޅުވީ، ރާއްޖޭގެ އެއާޕޯޓު ޖީއެމްއާރަށް އެމްޑީޕީގެ ވެރިކަމުގައި ރައީސް މުހައްމަދު ނަޝީދު ވިއްކާލެއްވިއިރު އެ އެއާޕޯޓަކީ ރާއްޖޭގެ ރަން ބިސް އަޅާ ކުކުޅު ކަމަށެވެ. އަދި އެކަމާ ދެން ގުޅިގެން އަންނަނީ ޓޫރިޒަމް ކަމަށާ އޭގެ ސަބަބުން ރާއްޖެއަށް ފައިދާ ވަންނަނީ ކަމަށެވެ.

ރައީސް ޔާމީން ވިދާޅުވީ ގައުމުގެ އިންޓަނޭޝަނަލް އެއާޕޯޓަކީ ޒުވާނުންގެ އުއްމީދާ ގުޅިފައިވާ ތަނަކަށް ވާއިރު ވެރިންނަށް ތިއްބަވާ ބައެއް އަމިއްލަ އެދުން ބޮޑު މީހުން ގައުމުގެ ހަރުމުދާ ވިއްކަނީ ވެރިކަމަށް އާދެވުމަކީ ރާއްޖޭގެ ހަރުމުދާ ވިއްކަން ލިބޭ ލައިންސެއްކަމަށް ހީކޮށްގެން ތިބެ ކަމަށެވެ. އެގޮތުން ރައީސް ޔާމީން ވަނި ރައީސް ޑރ މުހައްމަދު މުއިއްޒު ރާއްޖޭގެ ސީޕޯޓު ވިއްކާލަން މަސައްކަތްކުރާ ކުރުމަށްވެސް އިޝާރާތްކުރައްވާ ވާހަކަފުޅު ދައްކަވާފައެވެ.

ރައީސް ޔާމީން އިތުރަށް ވިދާޅުވީ، ދިވެހިންގެ އެއާޕޯޓަކީ ދިވެހިންގެ ވިންދު ކަމަށާ އެހެންކަމުން އެއާޕޯޓު ފަދަ ތަންތަން ބޭރު މީހުންނަށް ވިއްކާނަމަ ޒުވާނުން ނުކުމެ އެކަން ހުއްޓުވަން ޖެހޭނެ ކަމަށެވެ.