ރައީސް އަބްދުﷲ ޔާމީން އަބްދުލްގައްޔޫމްގެ އިސްތިއުނާފް މައްސަލަ ކުރިޔަށް ނުގޮސް ލަސްވަމުންދާތީ އެކަމުގެ ފުރިހަމަ ޒިންމާ ރައީސް ޑރ.މުއިއްޒު ނަންގަވަން ޖެހޭނެކަމަށް ރައީސް ޔާމީންގެ އިސް ގާނޫނީ ވަކީލް ޑރ.މުހައްމަދު ޖަމީލް އަހްމަދު ވިދާޅުވެއްްޖެއެވެ.
ޑރ.ޖަމީލް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.
އެގޮތުން އެމަނިކުފާނު ވިދާޅުވީ އަދުގެ ރައީސް މުއިއްޒު ތެދުވެރި ނޫންކަމަށް މިއަދު ގިނަ ރައްޔިތުންނެއް ގަބޫލުކުރާނެކަމަށެވެ.
އަދި ދިވެހިރާއްޖޭގެ ހައި ކޯޓްގައި ރައީސް ޔާމީން ގެ ފަރާތްޕުޅުން ހުށަހަޅާފައިވާ އިސްތިއުނާފް މައްސަލައިގެ ހުކުމް އިއްވުމުގެ އަޑުއެހުން ލަސްވަމުންގެންދާތީ އެކަމުގެ ފުރިހަމަ ޒިންމާ ރައީސް މުއިއްޒު ނަންގަވަން ޖެހޭނެ ކަމަށްވެސް ޑރ ޖަމީލް ގެ ޕޯސްޓްގައި ވަނީ ފާހަގަކުރައްވާފައެވެ.
އޭގެއިތުރުންވެސް ޑރ ޖަމީލް ވިދާޅުވީ ރައީސް މުއިއްޒު ތަކުރާރުކޮށް ޝަރުއީ ނިޒާމަށް ނުފޫޒު ނުފޯރުވާ ކަމުގެ ވާހަކަ އެ ދައްކަވަނީ އެމަނިކުފާނަށް އެ ކުށްކުރެވުނީމަ ކަމަށެވެ.
އަދި އެކަމުގެ ފުރިހަމަ އިހްސާސް އެމަނިކުފާނަށް ކުރެވޭތީ ކަމަށްވެސް ޑރ ޖަމީލް ވަނީ ޕޯސްޓްގައި ވިދާޅުވެފައެވެ.
އިތުރަށް އެމަނިކުފާނު ވަނީ ނުބައި ރޭވުންތެރިންގެ ކިބައިން ސަލާމަތް ކޮށްދިނުމަށް މާތް ﷲ ގެ ހަޟްރަތަށް އެދިވަޑައިގެންފައެވެ.
ރައީސް އަބްދުﷲ ޔާމީން އަބްދުލްގައްޔޫމްގެ އިސްތިއުނާފް މައްސަލަ ހައި ކޯޓްގައި ތާވަލް ނުކުރެވި އެތައް ދުވަސް ވަމުން ގެންދާތީ ގިނަ ބަޔަކު އަންނަނީ ފާޑުކިޔަމުންނެވެ.
