މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަނުގެ ގާނޫނު ބާތިލް ކުރަން މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އިން ހައި ކޯޓަށް މައްސަލައެއް ވައްދައިފިއެވެ.
އެމްޖޭއޭއިން މިކަން ހާމަކޮށްފައިވަނީ އެ ޖަމްއިއްޔާއިން ބޭއްވި ނޫސްވެރިންގެ ބައްދަލުވުމުގައެވެ.
އެ ބައްދަލުވުމުގައި ޖަމްއިއްޔާގެ ރައީސް އަހުމަދު ނާއިފު ވިދާޅުވި ގޮތުގައި، ބާތިލުކުރަން ހުށަހެޅީ ރާއްޖޭގެ ގާނޫނު އަސާސީގައި އެކަށައަޅާފައިވާ އުސޫލުތަކާއި ރާއްޖެ ބައިވެރިވެފައިވާ މުއާހަދާތަކާ ވެސް ހިލާފަށް ފާސްކޮށްފައިވާ ގާނޫނެއް ކަމަށެވެ.
އެގޮތުން އެމްޖޭއޭއިން ހައިކޯޓަށް ހުށަހެޅި މައްސަލައިގައި ބުނީ މޯލްޑިވްސް މީޑިއާ އެންޑް ބްރޯޑްކާސްޓިން ރެގިއުލޭޝަން ގާނޫނު ބާތިލުކުރަން ހައި ކޯޓުގައި އެދުނީ އެ ގާނޫނު ގާނޫނުއަސާސީގެ ގިނަ މާއްދާތަކާ ހިލާފުވުމުގެ އިތުރުން އެ ގާނޫނަކީ އެތަކެއް ހައްގުތަކެއް ނިގުޅައިގަންނަ ގާނޫނަކަށްވާތީ ކަމަށެވެ.
މި ގާނޫނަކީ ރާއްޖޭގެ ގާނޫނުއަސާސީ އެންވިޝަން ކުރާ އުސޫލުތަކާއި އޭގެއިތުރަށް ރާއްޖެ ބައިވެރިވެފައި ހުރި ބައިނަލްއަގުވާމީ މުއާހަދާތައް، އެއީ އައިސީސީޕީއާރްގެ އާޓިކަލް 19 ގައި އެބުނާ ތްރީޕާޓް ޓެސްޓާވެސް ހިލާފަށް އެކުލަވާލެވިފައި އޮތް ގާނޫނެއްކަން ވަރަށް ސާފުކޮށް އެބަ އޮތް އެނގެން. ދެން ރައްޔިތުންގެ މަޖިލީހުގެ ބާރެއް އޮތަތީވެ ނަންބަރު ހަމަވީމަ ކަމެއް ކުރެވިދާނެ
އެމްޖޭއޭގެ ރައީސް ނާއިފް
މިފަދަ މައްސަލައެއް އެމްޖޭއޭއިން ކޯޓަށް ވައްދާފައިވާއިރު ކޯޓުން އެ މައްސަލަ ބަލައިގަންތ ކަމެއް އަދި އެނގިފައިނުވެއެވެ. އަދި މިފަދަ މައްސަލައެއް ވެއްދީ އަދަދު ނޫހުގެ ސިޔާސީ ކާޓޫން ސެގްމަންޓުގެ ނަމުގައި ހިންގާ ސެގންމަންޓުގައި ޝާއިއު ކުރި ކާޓޫނެއްގެ މައްސަލަ މޯލްޑިވްސް މީޑިޔާ އެންމޑް ބްރޮޑްކާސްޓިން ކޮމިޝަނުން ބަލަމުންދަނިކޮށްކަން ވެސް ފާހަގަކޮށްލެވެއެވެ.
