ދިވެހިރާއްޖެއަށް ބޭރުގެ ނުފޫޒު ގަދަވަނީ، ދަހިވެތި ވެރިންގެ ސަބަބުން ކަމަށް، ކުރިއަށް އޮތް ލޯކަލް ކައުންސިލް އިންތިހާބުގައި މާލެ ސިޓީގެ މޭޔަރު ކަމަށް ނުކުންނަވާ ގައުމީ މިނިވަން ކެންޑިޑޭޓު އިސްމާއިލް ޒަރިޔަންދު ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި ޒަރިޔަންދު ވިދާޅުވީ، ސަރުކާރުތަކުގެ ދެ އުޅިއެއް ނުވާ މާލީ ރޭވުންތެރިކަމުން އިޤްތިޞާދު ކުރިއެރުވުމަށް ކަމެއް ނުކޮށްތިބެ، ދެކޮޅު ނުޖެހޭ ކަންކަމަށް ދަރަނި ނަގާތީ ކަމަށެވެ.

ހަމައެހެންމެ އެ ނަގާ ދަރަނި ދައްކާނެ ގޮތެއް ނެތިގެން ދާއިރު، އެކަމުގެ ފައިދާ ނެގުމަށް ބަލަބަލާ ތިބޭ ޤައުމުތަކެއް ވާނެކަން ފާހަގަކުރައްވާ ޒަރިޔަންދު ވިދާޅުވެފައިވަނީ ރާއްޖެއަށް ބޭރުގެ ނުފޫޒު ގަދަވަނީ، ދަހިވެތި ވެރިންގެ ސަބަބުން ކަމަށެވެ.

<blockquote class="twitter-tweet"><p lang="dv" dir="rtl">ސަރުކާރުތަކުގެ ދެ އުޅިއެއްނުވާ މާލީ ރޭވުންތެރިކަމުން އިޤްތިޞާދު ކުރިއެރުވުމަށް ކަމެއްނުކޮށްތިބެ, ދެކޮޅުނުޖެހޭ ކަންކަމަށް ދަރަނިނަގާ، ދަރަނިދައްކާނެ ގޮތެއް ނެތޭއިރު، އެކަމުގެ ފައިދާނެގުމަށް ބަލަބަލާ ތިބޭ ޤައުމުތަކެއް ވާނެއެވެ.<br>ރާއްޖެއަށް ބޭރުގެ ނުފޫޒު ގަދަވަނީ، ދަހިވެތި ވެރިންގެ…</p>&mdash; Ismail Zariyand (@zariyand) <a href="https://twitter.com/zariyand/status/2017992345753653513?ref_src=twsrc%5Etfw">February 1, 2026</a></blockquote> <script async src="https://platform.twitter.com/widgets.js" charset="utf-8"></script>

ޒަރިޔަންދު މިފަދައިން ވިދާޅުވެފައިވަނީ އެތައް ފަސެންޓެއް ބޮޑުކޮށް، ސުކޫކު ދެއްކުމަށް މި ސަރުކާރުން 350 މިލިއަން ޑޮލަރުގެ ލޯނެއް އެމެރިކާގެ ކާގިލް ފައިނޭންޝަލް ސާވިސަސް އިންޓަނޭޝަނަލް (ސީއެފްއެސްއައިޓީ) އިން ނަގަން ހުށަހަޅާފައިވާ ދަނޑިވަޅެއްގައެވެ.