މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން 100ރ. ގެ ނޫޓުގެ ސްޓޮކް މަދުވުމުން އާ ސްޓޮކެއް ޗާޕްކޮށްގެން ގެނެސްފި އެވެ.
އެމްއެމްއޭ އިން ބުނީ 100ރ. ގެ ނޫޓުގެ ސްޓޮކް މަދުވުމުން މިއަދު އާ ސްޓޮކެއް ގެނެސްފައިވާ ކަމަށެވެ. ގެނައީ ކިހާ އަދަދެއް ކަމެއް ބުނެފައިނުވެއެވެ.
ސޯޝަލް މީޑިއާގައި މިއަދު ވަނީ ދެ ޕިކަޕެއްގައި ފައިސާ ޕެލެޓްތަކެއް އެމްއެމްއޭއަށް ގެންދާ ވީޑިއޯއެއް ވެސް އާންމުވެފަ އެވެ. އެންމެފަހުން ސްޓޮކް މަދުވެގެން 100ރ. ގެ ނޫޓު އެމްއެމްއޭއަށް ގެނައީ މިދިޔަ އަހަރު އެވެ.
ފައިސާ ޗާޕުކުރުމާ ހިލާފަށް މޮޅެތި ވާހަކަތައް ދެއްކުމަށްފަހު ފައިސާ ޗާޕު ކުރާތީ ގިނަބަޔަކު އަންނަނީ ސަރުކާރަށް ފާޑުކިޔުން އަމާޒުކުރަމުންނެވެ.
މިހާރު ބޭނުންކުރާ ނޫޓުތައް ތައާރަފްކުރީ ރާއްޖޭގެ މިނިވަންކަމަށް 50 އަހަރު ފުރުމާ ދިމާކޮށެވެ.
