ރައީސުލްޖުމްހޫރިއްޔާގެ އޮފީހުގެ ތަޅުދަނޑިޔާ މާފުށީ ޖަލުގެ ތަޅުދަނޑި މިއަދު އޮތީ އަބްދުއްރަހީމް އަތުގައި ކަމަށް ޕީއެންއެފް އުފެއްދުމުގައި އިސްކޮށް ހަރަކާތްތެރިވާ މުހައްމަދު މަލީހް ޖަމާލް ވިދާޅުވެއްޖެއެވެ.
މަލީހް މިފަދައިން ވިދާޅުވީ އޭނާގެ އެކްސް ހޭންޑަލްގައި ކުރެއްވި ޕޯސްޓެއްގައެވެ.
މަލީހް އެފަދައިން ވިދާޅުވެފައިވަނީ ރައީސް ޔާމީންގެ ފަރާތްޕުޅުން ދިވެހިރާއްޖޭގެ ހައިކޯޓްގައި ހުށަހަޅާފައިވާ އިސްތިއުނާފް މައްސަލަ ލަސްވުމުގައި އަދުރޭގެ އަތެއް އެކަމުގައި އޮންނަ ކަމަށް ގިނަ ފަރާތްތަކުން ބުނަމުން ގެންދާ ދަނޑިވަޅެއްގައެވެ.
އިތުރަށް މަލީހް ވިދާޅުވީ ރައީސް ޔާމީން މިނިވަންކުރުމުގެ ޒިންމާ މިއަދު ނަންގަވަން ޖެހޭނީ އަދުގެ ރައީސް މުއިއްޒު އަދި އަދުރޭ ކަމަށެވެ.
އަދުރޭ ޕޯޑިއަމް ތަކަށް އަރައިގެން ރައީސް ޔާމީނަށް ނުސީދާ ގޮތެއްގައި ރައްދު ދެމުން އަންނަ އިރު މިއީ އެ މޭރަމުން ވާހަކަދައްކައިން އަދުރޭ އަށް ފިލޭނެ ވަގުތެއް ނޫންކަމަށްވެސް މަލީހް ވަނީ ޕޯސްޓްގައި ފާހަގަކުރައްވާފައެވެ.
މަލީހް ވަނީ ރައީސް ޔާމީން މިނިވަން ކުރުމަށްވެސް ގޮވާލާފައެވެ.
