އީރާނުގެ އަސްކަރީ ފައުޖުތަކުން އިޒްރޭލުގެ އަނިޔާވެރި ބޮޑުވަޒީރު ބެންޖަމިން ނަތަންޔާހޫގެ އޮފީހަށާއި، އެ ގައުމުގެ ވައިގެ ސިފައިންގެ ކޮމާންޑަރުގެ ގެކޮޅަށް އަމާޒުކޮށް ވަރުގަދަ ހަމަލާތަކެއް ދީފިކަން އީރާނުން ރަސްމީކޮށް އިއުލާންކޮށްފިއެވެ.
މި ހަމަލާތަކާ ގުޅިގެން ނަތަންޔާހޫ އަމިއްލައަށް އެއްބަސްވެފައިވާ ގޮތުގައި، އީރާނުން ދިން މި ހަމަލާތަކުގެ ސަބަބުން އިޒްރޭލަށް ވަނީ އިއާދަނުކުރެވޭ ފަދަ ބޮޑެތި ގެއްލުންތަކެއް ލިބިފައެވެ. އިޒްރޭލާއި އެމެރިކާއިން ފެށި މި އުދުވާނުތަކުގެ ރައްދުގައި އީރާނުން ދިން މި ހަމަލާތަކަކީ، އިޒްރޭލުގެ ދިފާއީ ނިޒާމު ފޫއަޅުވާލުމަށްފަހު ސީދާ އެ ގައުމުގެ ސިޔާސީ އަދި އަސްކަރީ މަރުކަޒުތަކަށް އަމާޒުވި ކާމިޔާބު ހަމަލާތަކެކެވެ.
ނަތަންޔާހޫގެ ސަރުކާރަށް ބޮޑު ސިހުމެއް ލިބިގެންދިޔަ މި ހަމަލާއާ ގުޅިގެން އީރާނުން ބުނެފައިވަނީ، މިއީ އިޒްރޭލުގެ ޖަރީމާތަކަށް ދިން އިންޒާރެއް ކަމަށާއި، ކުރިއަށް އޮތް ތަނުގައި އިޒްރޭލުގެ އިސްވެރިންނަށް އަމާޒުކޮށް ދޭ ހަމަލާތައް އިތުރުވެގެންދާނެ ކަމަށެވެ.
އިރާނުން ވަނީ އިއްޔެ އެކަނިވެސް 1200 މިސައިލް އިޒްރޭލަށް އަމާޒުކޮށް ފޮނުވާފައެވެ.
