ސުކޫކު ދައްކަނީ ރައްކާކޮށްފައި ހުރި ފައިސާއިން ކަމަށް ވިދާޅުވެ ރައީސް ޑރ މުހައްމަދު މުއިއްޒު ހެއްދެވީ ދޮގު ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.
މަލީހު މިފަދައިން ވިދާޅުވީ، ސުކޫކްގެ ގޮތުގައ މިއަދު 500 މިލިއަން ޑޮލަރު ދައްކަން ޖެހުނަސް އެ ފައިސާ ދައްކާފައި ބާކީ 150 މިލިއަން ޑޮލަރު ދައުލަތުގައި ހުންނާނެ ކަމަށް ރައީސް، ޑރ. މުހައްމަދު މުއިއްޒު ވިދާޅުވެފައިވާ ވުމަށް ރައްދު ދެއްވާ ކުރެއްވި އެކްސް ޕޯސްޓެއްގައެވެ.
އެގޮތުން މަލީހު ވިދާޅުވެފައިވަނީ، މި ސަރުކާރުގެ މުޅި މާލީ ނިޒާމް ބައްޓަން ވެފައި އޮތީ ދަރަނީގެ މައްޗަށް ދަރަނި ނެގުމުގެ އިތުރުން ފައިސާ ޗާޕްކުރުމަށް ހަމައަށް ކަމަށެވެ. ސަރުކާރުގެ ރިކަރަންޓް ޚަރަދު ސަަސްޓެއިނަބަލް ނޫން ކަމަށް ވިދާޅުވެ މަލީހު އިތުރަށް ވިދާޅުވެފައިވަނީ، ކެޕިޓަލް ޚަރަދު އޮތީ ހޯދަން އުނދަގޫ ތަދު ބޭހެއްގެ ގޮތުގައި ކަމަށެވެ.. ދައުލަތުގެ ޚަރަދުތަކުގައި އިސްރާފު އޮތީ އިންތިހާގައި ކަމަށާ ސަރުކާރުގެ އެކި ލެވެލްގައި ކޮރަޕްޝަން އޭގެ އެންމެ ފުންމިނަށް އޮތްކަމަށްވެސް މަލީހު ވަނީ ވިދާޅުވެފައެވެ.
މަލީހު މިފަދައިން ވިދާޅުވެފައިވާއިރު، ހޯމަ ދުވަހު ރައީސް މުއިއްޒު ބޭއްވި ނޫސްވެރިންގެ ބައްދަލުވުމުގައި އެމަނިކުފާނު ވިދާޅުވެފައިވަނީ، 500 މިލިއަން ޑޮލަރުގެ ސްކޫކް އޭޕްރީލް މަހުގެ އަށްވަނަ ދުވަހު ދައްކަން ޖެހޭ އިރު މިހާރު 650 މިލިއަން ޑޮލަރަށްވުރެ ގިނަ ފައިސާ ރައްކާކޮށްފައިވާ ކަމަށް ރައީސް ވިދާޅުވިއެވެ.
