ރައީސް ޑރ މުހައްމަދު މުއިއްޒު ޖަވާބުދާރީ ކުރވާނެދުވަސް އޮތީ ވަރަށް ކައިރީގައި ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްްޖެއެވެ.
މަލީހު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.
މަލީހުގެ ޕޯސްޓުގައި މަޖާޒީ ގޮތަކަށް ވިދާޅުވެފައިވަނީ، ރޮނޑެއްގެ ހަން ދަމަން ރައީސް މުއިއްޒާ ހަވާލުކުރިޔަސް ފެންނާނީ އެހެން މީހުން އަމަލުކުރާ ގޮތާ ޚިލާފަށް ފުރަތަމަވެސް މަހުގެ ނަގޫ ނަގާ ބުރިކޯށްލާ އެއްލާލާނެ މަންޒަރު ކަމަށެވެ. މަލީހު ވިދާޅުވެފައިވަނީ ރައީސް މުއިއްޒަކީ ލީޑާޝީޕު ކޮލިޓި އެއްވެސް ވަރަކަށް ހުންނެވި ބޭފުލެއް ނޫންކަމަށެވެ.
ރައީސް މުއިއްޒު މުޅި ސަރުކާރު ތެރެއަށް އާއިލީ އެތައް ބަޔަކު ވައްދައިގެން ޖަހަމުންދާ ސަކާރާތް ގާތުން ބަލަމުންދާކަމުގެ އިނޒާރު ދެއްވަމުން މަލީހު ވަނީ އެކަންކަމާ މެދު ރައީސް މުއިއްޒު ޖަވާބުދާރީ ކުރުވުން އޮތީ ދުރުގައި ނޫން ކަމަށްވެސް ވިދާޅުވެފައެވެ.
މަލީހު މިފަދައިން ވިދާޅުވެފައިވާއިރު، ރައީސް މުއިއްޒު މިހާރުވެސް ގެންދަވަނީ އިންތިހާބެއް ބޯމަތިވެފައިވަނިކޮށް ކޮރަޕްޝަނަށް މަގު ފަހިވާނެ ފަދަ އެތައް ކަމެއް ކުރަމުން ކަމަށް ގިނަ ަބަޔކު ތުހުމަތު ކުރެއެވެ.
