އަސްލު ރައީސުލްޖުމްހޫރިއްޔާ ޑރ.މުހައްމަދު މުއިއްޒު އަދި ރައީސް ކަމުގެ ހުވާ ނުކުރައްވާ ކަމަށް ޕީއެންއެފް އުފެއްދުމުގައި އިސްކޮށް ހަރަކާތްތެރިވާ ކުރީގެ ޓެކްނޮލޮޖީ މިނިސްޓަރ މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް މިފަދައިން ވިދާޅުވެފައިވަނީ އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހް ވިދާޅުވީ އަސްލު ރައީސް މުއިއްޒު ހުވާ ކުރައްވާނީ ރައީސް އަބްދުﷲ ޔާމީން އަބްދުލްގައްޔޫމްގެ އަތްޕުޅުގައި ހިއްޕަވައިގެންނެވެ.

މަލީހް މިފަދައިން ވިދާޅުވެފައިވަނީ ނިމިދިޔަ ރިޔާސީ އިންތިޚާބްގެ ކެމްޕެއިން ދުވަސްވަރު ރަށްރަށަށް ވަޑައިގެން ރައީސް މުއިއްޒު ދެއްކެވި ވާހަކައެއްގެ ސަބަބުންނެވެ.

އެގޮތުން ރައީސް މުއިއްޒު ވިދާޅުވީ އެމަނިކުފާނު ރިޔާސީ އިންތިޚާބް ކާމިޔާބު ކުރެއްވުމަށްފަހު ހުވާ ކުރައްވާ ރަސްމިއްޔާތަށް ވަޑައިގެންނަވާނީ ރައީސް ޔާމީން އާއެކުގައިކަމަށެވެ.

ނަމަވެސް 2023 ވަނަ އަހަރުގެ ނޮވެމްބަރު މަހުގެ 17 ވަނަ ދުވަހު ރައީސް މުއިއްޒު ރައިސޫލްޖުމްހޫރިއްޔާ ކަމުގެ ހުވާ ކުރެއްވި އިރު ރައީސް ޔާމީން އެ ރަސްމިއްޔާތުގައި ބައިވެރިވެވަަޑައިގެންފައިނުވެއެވެ.

މިކަމާ ފާޑުކިޔުން އަމާޒު ކުރައްވަމުން މަލީހް ވިދާޅުވީ އަސްލު ރައީސް މުއިއްޒު ފެނިގެންދާނީ މަޖިލިސް އިންތިޚާބަށް ފަހުގައިކަމަށެވެ.