މިއަދު ބޭއްވި އިންތިހާބުގައި މާލެ ސިޓީގެ މޭޔަރުކަމުގެ ގޮނޑި، މިހާރުގެ ވެސް މޭޔަރު އާދަމް އާޒިމް ދިފާއުކުރަށްވާކަން ވަގުތީ ނަތީޖާއިން ދައްކައިފިއެވެ.
މިހާތަނަށް ގުނާފައިވާ ވޯޓުފޮށީގެ ވަގުތީ ނަތީޖާތަކުން ދައްކާ ގޮތުގައި، %46 ވޯޓާ އެކު މޭޔަރުގެ ގޮނޑި އާޒިމް ދިފާއުކުރެއްވިއިރު ވަގުތީ ނަތީޖާ ދައްކާ ގޮތުގައި އާޒިމަށް ލިބިފައިވަނީ، 4000އެއްހާ ވޯޓެވެ.
ހަމައެހެންމެ މި އިންތިހާބުގައި ފުވައްމުލަކު ސިޓީގެ މޭޔަރުކަމުގެ ގޮނޑި، މިހާރުގެ ވެސް މޭޔަރު އިސްމާއިލް ރަފީގު ދިފާއު ކުރަށްވާފައިވާކަން ވެސް ވަގުތީ ނަތީޖާއިން ވަނީ ދައްކާފައެވެ.
މިހާތަނަށް ލިބިފައިވާ ވަގުތީ ނަތީޖާއިން ދައްކާ ގޮތުން، %68އާ އެކު އިސްމާއިލް ރަފީގަށް 1،738 ވޯޓު ވަނީ ލިބިވަޑައިގެންފައެވެ.
