އެހީގެ ގޮތުގައި ޒަކާތު ހައުސް އިން 7 ލައްކަ ރުފިޔާ ހޭދަކޮށްފި

މޯލްޑިވްސް ޒަކާތު ހައުސް އިން މިދިޔަ ފެބްރުއަރީ މަހު ފަގީރުންނަށް އެހީގެ ގޮތުގައި 7 ލައްކައަށް ވުރެ ގިނަ ރުފިޔާ ދޫކޮށްފިއެވެ.

އިސްލާމިކް މިނިސްޓްރީން އާންމުކުރި ޒަކާތު ހައުސްގެ ފެބްރުއަރީ މަހުގެ ތަފާސްހިސާބުތައް ދައްކާގޮތުން މިދިޔަ މަހުގެ ނިޔަލަށް އެ އިދާރާއަށް އެހީގެ ގޮތުގައި ހަމަޖެހިފައިވަނީ 829،948ރ އެވެ.

އެ މުއްދަތުގައި އެހީ އަށް އެދުނު 69 މީހަކަށް އެހީގެ ގޮތުގައި 740،805ރ ހޭދަކޮށްފައިވާ ކަމަށް ތަފާސްހިސާބުތަކުން ދައްކައެވެ.

އެހީ ދީފައިވާ ގޮތައް ބަލާއިރުގައި:

• 
  ކެންސަރު ފަރުވާއަށް 245،948ރ
  
  ހިތުގެ އޮޕަރޭޝަނަށް 16،962ރ
  
  ޓްރާންސްޕްލާންޓަށް 76،329ރ
  
  ސިކުނޑީގެ އޮޕަރޭޝަނަށް 16،962ރ
  
  އެހެނިހެން 473،746ރ
  
  ޒަރޫރީ އެހީގެ ގޮތުގައި 12،750ރ

މިދިޔަ ފެބްރުއަރީ މަހު ޒަރޫރީ އެހީއަށް އެދި 69 ފަރާތަކުން ވަނީ ހުށަހަޅާފައެވެ.

އެފަރާތްތަކަށް ވަނީ އެހީގެ ގޮތުގައި 740،805ރ ހޭދަކޮށްފައެވެ.

މޯލްޑިވްސް ޒަކާތު ހައުސް އިފުތިތާހުކުރީ މިދިޔަ ޖެނުއަރީ މަހުގެ ކުރީކޮޅު އެވެ.