އެމްޕީއެލްގެ ޑެޕިއުޓީ ސީއީއޯކަމުގެ މަގާމުން އިބްރާހިމް ޒިޔަތު އިސްތިއުފާ ދެއްވައިފިއެވެ.
އޭނާ އިސްތިއުފާ ދެއްވާފައިވާކަން މި ނޫހަށް ވަނީ ކަށަވަރުވެފައެވެ. ނަމަވެސް، އިސްތިއުފާ ދެއްވި ސަބަބެއް ހާމަވެފައި ނުވެއެވެ. ޒިޔަތު އިސްތިއުފާ ދީފައިވަނީ މީގެ މަހެއްހާ ދުވަސްކުރިން ކަމަށްވެސް މައުލޫމާތު ލިބިފައިވެއެވެ.
އެމްޕީއެލްގެ ޑިރެކްޓަރުންގެ ބޯޑުގެ އެގްޒެކްޓިވް މެންބަރުކަމުން ޒިޔަތު ވަކިކޮށް، ކުރިން އެމްއޭސީލްގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި މުހައްމަދު ލަމްއާން ވަނީ މިދިޔަ މެއި މަހު އައްޔަން ކޮށްފަ އެވެ. އެއާ އެކު، އޭރު ލަމްއާން އެމްޕީއެލްގެ ޑެޕިއުޓީ ސީއީއޯގެ މަގާމަށް ވެސް އައްޔަން ކުރި އެވެ.
ޒިޔަތު އިސްތިއުފާ ދެއްވި ނަމަވެސް، ލަމްއާން ހިމެނޭހެން އެމްޕީއެލްގައި މިހާރު ވެސް ތިން ޑެޕިއުޓީ ސިއީއޯއިން އެބަ ތިއްބެވި އެވެ.
