ސައުދީ އަރަބިއްޔާ ސަރުކާރުން ރާއްޖެއަށް 55 ޓަނުގެ ކަދުރު ހަދިޔާކޮށްފިއެވެ.

އިސްލާމީ ކަންތައްތަކާއި ބެހޭ ވުޒާރާއިން ބުނި ގޮތުގައި ސައުދީން ދިވެހި ސަރުކާރަށް 50 ޓަނުގެ ކަދުރު ހަދިޔާކޮށްފައިވާއިރު، ސައުދީގެ އިސްލާމީ ކަންތައްތަކާއި ބެހޭ ވުޒާރާއިން ފަސް ޓަނުގެ ކަދުރު ހަދިޔާކޮށްފައިވާ ކަމަށެވެ.

ސައުދީއިން ހަދިޔާކުރި 50 ޓަނުގެ ކަދުރާއި ދިވެހި ސަރުކާރުގެ ފަރާތުން ހަވާލުލުން އޮތީ ސައުދީ އެންބަސީގައެވެ.

ސަރުކާރުގެ ފަރާތުން އެ ކަދުރާއި ހަވާލުވަޑައިގެންނެވީ އިސްލާމީ ކަންތައްތަކާއި ބެހޭ ވަޒީރު ޑރ. ޝަހީމް އަލީ ސައީދެވެ.

ކަދުރު ހަވާލުކޮށްދެއްވީ ސައުދީ އަރަބިއްޔާއިން ދިވެހިރާއްޖެއަށް ކަނޑައަޅުއްވާފައި ހުންނަވާ ސަފީރު މަތްރިކް އައްދައުސަރީ އެވެ.

ސައުދީގެ އިސްލާމީ ކަންތައްތަކާއި ވުޒާރާ އިން ހަދިޔާކުރި ފަސް ޓަނުގެ ކަދުރު ހަވާލުކުރުން އޮތީ އިސްލާމީ މަރުކަޒުގައި ބޭއްވި ރަސްމިއްޔާތެއްގައެވެ.

އެ ރަސްމިއްޔާތުގައި ކަދުުރު ހަވާލުކޮށްދެއްވީ ސައުދީ ސަފީރު މަތްރިކް އައްދައުސަރީއެވެ.

އަދި ކަދުރާއި ހަވާލުވެވަޑައިގެންނެވީ ވަޒީރު ޑރ. ޝަހީމްއެވެ.